Mål og innhald

Målet er å gi eit grunnlag for vurdering av styresmaktene sine høve til å sikre gjennomføring av sentrale makroøkonomiske målsetjingar som sysselsetting, inflasjon og økonomisk vekst.

Det vert lagt vekt på utdjupande analyse av økonomisk politikk, m.a. på å få fram at tradisjonell etterspørsleregulerande politikk ofte må supplerast med tiltak retta mot tilbodssida i økonomien. Kurset har også det formål å gjere studentane kjende med den aktuelle økonomiske situasjon i Noreg. I denne samanheng vert det gitt ei innføring i norske planleggingsmodellar og Nasjonalbudsjettet.

Læringsutbyte/resultat

Etter å ha fullført emnet skal studentane kunne:

• Gjere greie for korleis styresmaktene kan legge opp den økonomiske politikkjen for å sikre gjennomføring av sentrale makroøkonomiske målsettingar som sysselsetting, inflasjon og økonomisk vekst..
• Gjere greie for kort- og langsiktige verknader av innfasing av oljepengar i norsk økonomi.
• Drøfte utfordringar knytt til gjeldsoppbygging og befolkningsaldring.
• Beskrive sentrale pengepolitiske mål og verkemiddel.
• Analysere kva som vil skje med pengepolitikken når eit land som styrer etter eit inflasjonsmål vert utsett for ulike typar sjokk..
• Drøfte fordelar og ulemper med at to land har felles valuta.
• Gjere greie for kjelder til økonomisk vekst.
• Gjennomføre eit vekstrekneskap.

Undervisningssemester

Haust

Eksamenssemester

Haust/vår

Studienivå

Bachelor

Krav til forkunnskapar

Ingen

Tilrådde forkunnskapar

ECON130

Undervisning og omfang

Førelesingar. Seminarundervisning.

Obligatoriske arbeidskrav

Ei obligatorisk innlevering som må vere godkjend for at studenten skal kunne gå opp til eksamen.

Studentar på profesjonsstudiet i samfunnsøkonomi må delta på obligatoriske seminar og levere to obligatoriske oppgåver som må vere bestått for at studenten skal kunne gå opp til eksamen.

Obligatorisk oppgåve og arbeidskrav er gyldig i inneverande og dei tre følgjande semestera.

Vurderingsformer

4 timar skriftleg eksamen.

Tillatne hjelpemiddel til eksamen:

Matematisk formelsamling av K Sydsæter, A. Strøm og P. Berck, formelsamling i matematikk av Utdanningsdirektoratet og kalkulator. Berre følgjande enkle, ikkje-programmerbare kalkulatorar utan grafisk display vert tillete brukt ved skriftlege prøvar:

Alle modellar av typane:

- Casio FX-82

- Hewlett-Packard HP30

- Texas instruments TI-30

Institutt for økonomi kan gjennomføre stikkprøvar av hjelpemidla i eksamenslokalet.

Karakterskala

Karakterskala A-F

Emneevaluering

Alle emner ved Institutt for økonomi vert evaluert kvart undervisningssemester.