Mål og innhald

Målet er å gi ei grunnleggjande forståing for forsikringsmarknaden.

Kurset tar til med ein oversikt over grunnlaget for avgjerder under uvisse og mål på uvisse og risikoaversjon. Desse omgrepa vert deretter nytta til å studere etterspørsel etter forsikring, optimal forsikring, og samspelet mellom marknadsforsikring og høvet til selvassuranse og å verne seg mot risiko. Det blir også lagt vekt på problem med asymmetrisk informasjon (åtferdsrisiko og ugunstig utval) i forsikringsmarknader.

Læringsutbyte/resultat

Etter å ha fullført emnet skal studentane kunne:

• Gjere greie for grunnleggjande omgrep innan modellering og analyse av risiko
• Gjere greie for modellering og representasjon av forventa nytte - og kritikk av dette paradigmet
• Gjere greie for modellering og representasjon av asymmetrisk informasjon, her under såkalla moralsk hasard og uheldig utval
• forklare sambandet mellom bytteøkonomi og gjensidig forsikring
• forklare sider og eigenskapar av risikodeling
• gjere greie for nokre samband mellom forsikring og finans
• utforme Pareto-optimale forsikringskontraktar
• forklare skilnad mellom liv- og skadeforsikring
• vurdere tapsførebyggande tiltak

Undervisningssemester

Uregelmessig (haust)

Eksamenssemester

Haust/vår

Studienivå

Master

Undervisning og omfang

Førelesingar.

Obligatoriske arbeidskrav

Godkjent innleveringsoppgåve med formativ tilbakemelding.
Obligatorisk oppgåve og arbeidskrav er gyldig i inneverande og dei tre følgjande semestera.

Vurderingsformer

4 timar skriftleg eksamen.

Tillatne hjelpemiddel til eksamen:

Matematisk formelsamling av K Sydsæter, A. Strøm og P. Berck, formelsamling i matematikk av Utdanningsdirektoratet og kalkulator. Berre følgjande enkle, ikkje-programmerbare kalkulatorar utan grafisk display vert tillete brukt ved skriftlege prøvar:

Alle modellar av typane:

- Casio FX-82

- Hewlett-Packard HP30

- Texas instruments TI-30

Institutt for økonomi kan gjennomføre stikkprøvar av hjelpemidla i eksamenslokalet.

Karakterskala

Karakterskala A-F

Emneevaluering

Alle emner ved Institutt for økonomi vert evaluert kvart undervisningssemester.