Samfunnsfarmasi I

Mål og innhald

Kurset skal gje ei innføring i farmasiens historie, farmasi som profesjon og farmasøytar si utdanning og rolle i helsetenesta. Sentrale aspekt ved lovverk, etikk og kommunikasjon vil verte berørt. Kurset skal gje basiskunnskap om legemiddel med meir (framstilling, bruk, overvaking) og om helsetenesta og legemiddelfeltet, apoteksektoren inkludert.

Kurset skal gje innsikt i helse- og sjukdomsomgrep og sosial ulikskap i helse, samt innsikt i globale helseutfordringar og farmasiens rolle i desse.

Læringsutbyte/resultat

Etter å ha fullført dette emnet skal studentane kunne

- skildre sentrale utviklingstrekk i farmasiens historie

- skildre kva som kjenneteiknar ein profesjon og diskutere profesjonsetiske utfordringar

- skildre helsetenesta generelt og legemiddelfeltet og apoteksektoren spesielt

- diskutere ulike helse- og sjukdomsomgrep

- identifisere grunner til sosial ulikskap i helse, nasjonalt og internasjonalt

- skildre placeboeffekt, etterleving, eigenomsorg, og feilbruk av legemiddel, samt legemiddelbruk i ulike livsfasar.

Undervisningssemester

Haust

Tillegg for enkelt emne: "Emnet har eit avgrensa tall på plassar og inngår i undervisningsopptaket"

Eksamenssemester

Det er ordinær eksamen kvar haust

Undervisningsspråk

Norsk

Institutt

Senter for farmasi, Institutt for samfunnsmedisinske fag

Krav til studierett

Emnet er reservert for studentar på studieprogramma Integrert masterprogram i farmasi og Masterprogram i farmasi for reseptarar

Krav til forkunnskapar

Ingen

Tilrådde forkunnskapar

Ingen

Fagleg overlapp

Ingen

Undervisning og omfang

Førelesingar, gruppearbeid, Problembasert læring (PBL) med gruppevis munnleg presentasjon, hospitering og bedriftsbesøk

Obligatoriske arbeidskrav

Obligatorisk oppmøte på førelesingar

Obligatorisk utplassering i apotek

Obligatoriske sjølvstendige oppgåver

Obligatoriske PBL / gruppeoppgåver

Vurderingsformer

Godkjente obligatoriske oppgåver.

Skriftleg eksamen (4 timar).

Lovlege hjelpemiddel på avsluttande skriftleg eksamen er: Felleskatologen og Norsk legemiddelhandbok

Karakterskala

Ved sensur av emnet vert karakterskalaen A-F nytta.

Undervisningsstad

Bergen

Emneevaluering

Studentane skal evaluere undervisninga i tråd med UiB og instituttet sitt kvalitetssikringssystem.

Kontaktinformasjon

Forelesar og Administrativ kontaktperson finn du på Min side.

Institutt for global helse og samfunnsmedisin

e-post: studie@isf.uib.no