Wittgensteinstudiar

Mål og innhald

Kurset gir ein introduksjon til filosofien til Ludwig Wittgenstein. I tillegg til å gi eit generelt overblikk over forfattarskapen gir det ein oversikt over sentrale omgrep, synspunkt og metodar i Wittgenstein sin filosofi.

Læringsutbyte/resultat

Kunnskap:

Etter fullført emne skal studenten ha

• ei generell oversikt over sentrale omgrep, synspunkt og metodar innanføre Wittgenstein sin filosofi
• forståing for likskapar og skilnadar mellom ulike innfallsvinklar og fortolkingar av Wittgenstein
• meir inngåande kunnskap om eit nærare avgrensa tema innanfor feltet

Dugleik:

Etter fullført emne skal studenten kunne

• kjenne att sentrale posisjonar, argumentasjons- og framstillingsmåtar i Wittgensteinforskinga, og kunne formidle hovudtrekk ved dei
• finne fram til og sette seg inn i sentral litteratur om Wittgenstein sin filosofi, og formidle kunnskap om litteraturen og dei perspektiva den gir på Wittgenstein sin filosofi til eit faglig og til eit allment publikum
• reflektere over relevansen av sentrale omgrep, synspunkt og metodar innanfor Wittgenstein sin filosofi for å kunne forstå og ta stilling til aktuelle spørsmål og problemstillingar

Kompetanse:

Emnet kan inngå i ein bachelorgrad med spesialisering i filosofi. I kombinasjon med andre emne og fag kan det inngå i ei utdanning som kvalifiserer for undervisning i filosofi i ungdomsskule eller videregåande skole. Emnet kan ogsåvere eigna som støtte til fordjuping i grunnlagsspørsmål i samband med studiet av andre fag.

Undervisningssemester

Haust

Undervisningsspråk

Engelsk

Studienivå

Bachelor

Institutt

Institutt for filosofi og førstesemesterstudier

Krav til studierett

Emnet er ope for studentar med studierett ved Universitetet i Bergen.

Tilrådde forkunnskapar

Godkjent førstesemesterstudium. Valemna føreset gode bakgrunnskunnskapar i filosofi og studentane bør derfor normalt ha avlagd eksamen i alle obligatoriske emne på 100-nivå. Gode engelskkunnskapar er naudsynte, sidan ein må rekne med at mykje av pensum er på engelsk.

Fagleg overlapp

Studentar som har tatt eitt av emna FIL211 (Valemne 1 i filosofi), FIL212 (Valemne 2 i filosofi), FIL213 (Valemne 3 i filosofi), FIL214 (Valemne 4 i filosofi), FIL301 (Forskingsemne i filosofi 1), FIL302 (Forskingsemne i filosofi 2) eller FIL303 (Forskingsemne i filosofi 3) med nærliggande tema kan det og være overlapp. Ta i så fall kontakt med instituttet for nærare informasjon.

Undervisning og omfang

Undervisninga har form av førelesingar og/eller seminar.

Individuell rettleiing: inntil 1 timar per student.

Om det melder seg færre enn fire studentar blir talet på samlingar redusert. Den einskilde student vil samstundes bli tilbode individuell rettleiing eller grupperettleiing som kompensasjon for samlingane.

Obligatoriske arbeidskrav

Ei godkjenning av obligatoriske arbeidskrav er gyldig i tre semester frå og med det semesteret godkjenninga finner stad.

Innlevering av utkast til rettleia oppgåve før individuell rettleiing.

Individuell rettleiing ved faglærar.

Innlevering av pensumliste innan 15. april om våren og innan 15. oktober om hausten. Pensumlista skal innehalde emnekode, eksamenssemester og namn på student og faglærar/rettleiar, og vere utforma i samsvar med vanlege standarder for bibliografiske referansar. Sidetal for kvar einskild bok/utdrag av bok eller artikkel samt samla tal på sider skal opplysast (for elektroniske kjelder utan sidetal rekner ein 500 ord pr. side). Pensumlista skal underskrivast av faglærar og godkjennast av instituttet.

Vurderingsformer

Ei rettleia oppgåve på mellom 4000 og 6000 ord (ikkje medrekna innhaldsliste, litteraturliste etc). Emnet for oppgåva skal vere godkjend av faglærar på førehand. Oppgåva skal leverast elektronisk via Mi side og blir sensurert ved slutten av semesteret.

Eksamen blir arrangert kvart semester.

Dei obligatoriske arbeidskrava må vere godkjende før ein kan gå opp til eksamen i emnet.

Karakterskala

Karakterskala frå A til F.

Læremiddelomtale

Originallitteratur og aktuell sekundærlitteratur.

Undervisningsstad

Bergen

Emneevaluering

Emnet blir evaluert med jamne mellomrom.

Kontaktinformasjon

Institutt for filosofi og førstesemesterstudier

E-post: studierettleiar@fof.uib.no