Mål og innhald

Emnet omfattar lesing dels av prosatekstar på jonisk dialekt frå den klassiske perioden (t. d. Herodot og Hippokrates), dels av tekstar frå hellenistisk og romersk tid. Også kristne tekstar, frå Det nye testamente til kyrkjefedrane på 300-talet, kan inngå i studiet. Det blir dessutan gitt ei innføring i overleveringshistorie og tekstkritikk.

Læringsutbyte/resultat

Studentane skal få større kjennskap til gresk litteraturhistorie, med serleg vekt på dei forfattarar og genrar som blir lesne, og til gresk språkhistorie, serleg den joniske dialekt, koine-gresk og attisisme.

Undervisningssemester

Undervisninga blir normalt gitt i vårsemesteret.

Studienivå

Bachelor

Krav til studierett

Emnet er ope for alle med studierett ved Universitetet i Bergen.

Krav til forkunnskapar

Ingen.

Tilrådde forkunnskapar

Som forkunnskapar i gresk rår ein til at studentane har avlagt eksamen i minst 3 av greskemna på 100-nivå.

Fagleg overlapp

GRE251 overlappar med GRE201 (15 stp)

Undervisning og omfang

Undervisninga blir gitt i form av førelesningar over delar av pensumtekstane og andre moment i pensum, og praktiske øvingar i tekstkritikk.

26 timar (ein dobbelttime i veka).

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Obligatoriske arbeidskrav

Obligatorisk retteleiing knytt til bacheloroppgåva.

Vurderingsformer

Bacheloroppgåve på omlag 15 sider under obligatorisk rettleiing. I tillegg kjem munnleg eksamen. Munnleg blir gitt etter sensur på bacheloroppgåva og har justerande funksjon med inntil ein karakter opp eller ned.

Karakterskala

Karakterskala A-F.

Læremiddelomtale

Pensum er på til saman omlag 100 sider gresk prosatekst (30 liner = 1 side), minst 50 av desse skal lesast i kommenterte utgåver. Dessutan inngår oversiktlege framstellingar av overleveringshistorie og tekstkritikk, og relevante delar av meir avanserte framstellingar av gresk litteraturhistorie og språkhistorie.

Undervisningsstad

Bergen

Emneevaluering

Evaluering av tilbodet vert gjennomført i tråd med UiBs kvalitetssikringssystem.