Mål og innhald

Emnet gir meir djuptgåande kunnskapar innafor eit avgrensa område av gresk språk og litteratur. Det kan gjelde eit område som har inngått i studiet tidlegare (t.d. gresk drama, historiografi eller retorikk), ein ny periode (t.d. ein bysantinsk litteraturgenre), eller eit spesialfelt som epigrafikk.

Læringsutbyte/resultat

Studentane skal få oppøvd evna til å forstå og gjere greie for samanhengar av litterær, historisk, overleveringsmessig eller språkleg art. Dette fører med seg meir omfattande lesing av sekundærlitteratur, og kan gjennom spesialiseringa førebu val av tema innafor eit eventuelt følgjande mastergradsstudium.

Undervisningssemester

Undervisninga blir normalt gitt i haustsemesteret.

Studienivå

Bachelor

Krav til studierett

Emnet er ope for alle med studierett ved Universitetet i Bergen.

Krav til forkunnskapar

Ingen.

Tilrådde forkunnskapar

Som forkunnskapar i gresk rår ein til at studenten har avlagt eksamen i minst 3 av greskemna på 100-nivå.

Fagleg overlapp

GRE254 overlappar med GRE204 (15 stp)

Undervisning og omfang

Undervisninga blir gitt i form av individuell rettleiing. Ein rår til at studenten tek del i eventuelle metode- og oppgåveseminar innafor mastergradsstudiet.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Obligatoriske arbeidskrav

Munnleg presentasjon av tema og metode ved eit seminar. Obligatorisk rettleiing på bacheloroppgåva.

Vurderingsformer

Bacheloroppgåve på omlag 15 sider under obligatorisk rettleiing. I tillegg kjem munnleg eksamen. Munnleg blir gitt etter sensur på bacheloroppgåva og har justerande funksjon med inntil ein karakter opp eller ned.

Karakterskala

Karakterskala A-F.

Læremiddelomtale

Pensum er dels tekstar på gresk og i omsetjing, dels sekundærlitteratur. Omfanget av tekstane er avhengig av vanskegraden og høvet mellom originaltekst, omsetjingar og sekundærlitteratur, og av type tema.

Undervisningsstad

Bergen

Emneevaluering

Evaluering av tilbodet vert gjennomført i tråd med UiBs kvalitetssikringssystem.