Gresk: Metodekurs (masternivå)

Mål og innhald

Studiet vil gi studentane kjennskap til klassisk filologisk metode (særleg tekstkritikk) og andre lingvistiske og litteraturvitskaplege metodar som blir nytta i studiet av greske tekstar, vidare praktisk innføring i bruken av forskingsbibliotek, kjeldesamlingar, databasar og andre reiskapar i antikk- og mellomalderforskinga. Emnet kan og omfatte ei innføring i epigrafikk, papyrologi, paleografi og/eller kodikologi, dessutan ei orientering i det vitskaplege studiet av monument frå antikken og mellomalderen.

Læringsutbyte/resultat

Studiet skal gi studentane den kjennskapen til metode- og reiskapsbruk som trengst for å kunne skrive masteroppgåva, og som gjer ein i stand til kritisk å vurdere vitskapleg litteratur innan faget i det heile.

Undervisningssemester

Undervisninga blir gitt i haustsemesteret. Men dersom ressursane tillet det, går emnet óg om våren.

Undervisningsspråk

Norsk

Studienivå

Master

Krav til studierett

Krav om gyldig studierett på masterprogrammet i gresk ved UiB.

Krav til forkunnskapar

Ingen.

Tilrådde forkunnskapar

Minst 90 studiepoeng i gresk på bachelornivå (eller dokumenterte tilsvarande kunnskapar).

Undervisning og omfang

Ein må rekne med at studentane under heile studiet sitt på masternivå følgjer dei metode- og oppgåveseminar som fagmiljøet gir. Desse skal gi både teoretisk og praktisk innføring i vitskapleg metodikk og reiskapsbruk. Dessutan blir det kravd at studentane aktivt tek del i dei klassisk-filologiske forskarkursa som blir arrangerte ved dei norske institutta i Athen og Roma (eller andre stader) for mastergradsstudentar i gresk og latin ved norske universitet (i den mon økonomiske og lærarmessige ressursar tillet det). Forutan metodestudiet reknar ein med at desse også gir innføring i oppbygginga av kjeldesamlingar, bruk av forskingsbibliotek og databasar, vidare praktiske øvingar i epigrafikk, paleografi eller andre spesialområde, samt problematiserande demonstrasjonar av arkeologiske monument.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Obligatoriske arbeidskrav

Ingen.

Vurderingsformer

Kunnskapane blir prøvde gjennom munnlege og skriftlege oppgåver i samband med seminara og forskarkursa.

Karakterskala

Bestått/ ikkje bestått.

Læremiddelomtale

Tekstpensumet skal leggjast opp i samråd med faglærar, og omfattar innføringar i den klassiske filologien si historie, tekst- og edisjonsteknikk, hermeneutikk osv., vidare (alt etter den natur masteroppgåva har) lingvistiske og/eller litteraturvitskaplege metodar. Studentane kan velje annan handbokslitteratur som kan førebu moment som inngår i forskarkursa (eller kome i staden for metodekurs dersom slike ikkje blir arrangerte).

Undervisningsstad

Bergen

Emneevaluering

Evaluering av tilbodet vert gjennomført i tråd med UiBs kvalitetssikringssystem.

Kontaktinformasjon

Institutt for lingvistiske, litterære og estetiske studium

E-post: studierettleiar@lle.uib.no