Prosjektarbeid og forskingsdesign

Mål og innhald

Målet med kurset er å få studentane tidleg i gong med arbeidet med masteroppgåva gjennom å gi praktisk og handverksmessig kunnskap om korleis ein gjennomfører eit masteroppgåveprosjekt frå idé til eit tilnærma fyrsteutkast. Gjennom utarbeiding av ei omfattande prosjektskisse (15-20s) skal dei få auka innsikt i akademisk skriving, litteratursøking og forskingsdesign meir allment, med særskild vekt på val av relevant teori og metode og ei fornuftig avgrensing av prosjektet. Prosjektskissa dannar grunnlaget for masteroppgåva.

Læringsutbyte/resultat

Etter fullført emne skal kandidaten kunne

• gjengi krava til ei prosjektskisse for eit masterarbeid i medie- eller informasjonsvitskap, så vel som dei vitskaplege krava til og arbeidsomfanget til ei masteroppgåve
• gje ein oversikt over dei sentrale forskingsmiljøa på instituttet
• drøfte moglege etiske problemstillingar og relatert lovverk/søknadsprosedyrer
• gje eit oversyn over breidda av metodiske tilnærmingar i faget
• skaffa seg grunnleggjande kjennskap til relevant forsking/teori innan sitt valde fagfelt og metodane som er tenkt nytta, deriblant nytte tenestene og litteratursøkemogligheitene via UB
• formulera klare problemstillingar, trekkja inn relevant forsking på det aktuelle feltet og utforme metodisk veleigna forskingsopplegg for si masteroppgåve
• vurdere andre sitt forskingsopplegg kritisk og gje konstruktive tilbakemeldingar på desse
• utforma ei skisse til prosjekt som kan danne eit godt utgangspunkt for det vidare arbeidet med masteroppgåva, og gjennomføre eit sjølvstendig forskingsprosjekt på masternivå i medie- eller informasjonsvitskap

Undervisningssemester

Vår

Eksamenssemester

Haust og vår

Undervisningsspråk

Norsk

Studienivå

Master

Krav til studierett

Emnet er reservert studentar på masterprogramma i informasjonsvitskap og i medievitskap.

Krav til forkunnskapar

Bachelorgrad eller tilsvarande.

Fagleg overlapp

Full overlapp mot INFO300 og MEVI300

Undervisning og omfang

Førelesning og seminar. Individuell og plenumsbasert rettleiing.

Ca. 2 timar undervisning per veke i ca. 12-14 veker

Obligatoriske arbeidskrav

Det er tre obligatoriske innleveringar. Etter fire veker skal studentane levere eit kortare framlegg til prosjektskildring på 3-4 sider. Etter åtte veker skal studenten levere eit fyrsteutkast på 10-15 sider. Obligatoriske arbeidskrav er gyldige i eitt semester utover undervisningssemesteret. Ved kursslutt skal studenten levere eit endeleg utkast på 15-20s. Dette siste utgjer eksamen.

Det er obligatorisk oppmøte.

Vurderingsformer

Prosjektskildring.

Karakterskala

Bestått/ikkje bestått

Emneevaluering

Opplegget og undervisninga vert evaluert i slutten av semesteret.

Kontaktinformasjon

studieveileder@mevi.uib.no; studieveileder@info.uib.no