Mål og innhald

Kurset er eit inngåande kurs i kvalitative metodar for helsearbeidarar innan internasjonal samfunnsmedisin, for å utvikle kunnskap om bruk av ulike kvalitative forskingsmetodar. Kurset søkjer å førebu studentane på nytta av kvalitativ forsking i kryss-kulturelt arbeid som handlar om sensitive samfunnsmedisinske tema.

Kurset vil demonstrere nytta av desse metodane i planlegginga av helsefremjande og førebyggjande inngrep. Ulike tilnærmingar i koding og analyse av data innsamla frå kvalitativ forsking vil verte demonstrert og praktisert i øvingar. Styrkene og veikskapane til både kvalitative og kvantitative metodar vil verte undersøkt og nytteverden av ei multi-metodisk utfyllande tilnærming vil verte diskutert. Kurset inkluderer både didaktiske og praktiske øvingar i undervisinga. Studentane vil designe eit miniforskingsprosjekt og nytte kvalitative metodar i eit lite feltarbeid.

Hovudtema som vert dekka i undervisinga er:

- Introduksjon til antropologiske tilnærmingar i samfunnsmedisinsk forsking

- Introduksjon til kvalitative metodar; styrkar og veikskapar

- Djupintervju, fokusgruppediskusjon og deltakarobservasjon

- Korleis designe eit kvalitativt forskingsprosjekt

- Korleis utvikle intervjurettleiingar

- Korleis rapportere data: tjukke skildringar

- Problem med teieplikt og opplyst samtykke

- Kvalitativ dataanalyse; grunnteori og innholdsanalyse

Læringsutbyte/resultat

Kunnskapar:

Etter fullført kurs skal studentane kunne

- gjere greie for dei viktigaste kvalitative forskingsmetodane (djupintervju, fokusgruppediskusjon, deltakarobservasjon) og forklaringa for deira bruk i fremjing av praktisk internasjonalt helsearbeid

- kjenne att styrker og avgrensingar av kvalitative forskingsmetodar

Ferdigheiter:

Etter fullført kurs skal studentane kunne

- designe kvalitativ forsking ved å nytte ein eller fleire av desse kvalitative forskingsmetodane

- nytte prinsippa for koding og analyse av data innhenta gjennom bruk av kvalitative metodar

Generell kompetanse:

Etter fullført kurs skal studentane kunne

- vurdere kvaliteten til kvalitativ forsking

- kjenne att korleis ulike samfunnsmedisinske program kan verte planlagt og studert ved å kombinere kvantitative og kvalitative metodar for å styrke gyldigheit og pålitelegheit

Undervisningssemester

Vår

Studienivå

Master og PhD

Krav til studierett

Ope for alle registrerte studentar på masternivå og / eller PhD-nivå ved Universitetet i Bergen (t.d. TropEd Europe network).

Krav til forkunnskapar

Opptak på masternivå og / eller PhD-nivå ved Universitetet i Bergen (t.d. TropEd Europe network).

Engelskkunne på eit nivå rundt TOEFL 550 eller IELTS 6.0.

Undervisning og omfang

Didaktiske og praktiske øvingar, med fokus på diskusjon og ei interaktiv tilnærming. Studentane vil også arbeide i små grupper for å formulere, utvikle og gjennomføre eit lite kvalitativt forskingsprosjekt ved å nytte ein eller fleire av metodane som vert diskutert i kurset. Studentane vil analysere resultata og gje presentasjonar.

Studentane skal delta i gruppearbeid om gitte tema. Gruppene vil presentere arbeidet i plenum.

Obligatoriske arbeidskrav

Obligatorisk oppmøte på all undervisning

Vurderingsformer

¿ Fullføre all førebuande lesing og gje eit samandrag av ein av dei gitte artiklane/kapitla i plenum

¿ Skriftleg øving (500 ord)

¿ Munnleg presentasjon og evaluering av kvalitativt forskingsprosjekt i plenum

Karakterskala

Ved sensur av emnet vert karakterskalaen A-F nytta (ECTS credits).

Undervisningsstad

Institutt for global helse og samfunnsmedisin

Emneevaluering

Studentar evaluerer undervisinga jamfør kvalitetsvurderingskrava ved Universitetet i Bergen. Evalueringsmetoden er elektronisk via internett (Mi side).