Mål og innhald

Overordna mål:

Å gi kunnskap om førebyggjande tiltak mot kjemiske faktorar på arbeidsplassen.

Innhald:

• Helsefarlege stoffar: bruk og prosessar
• Kjelder til forureiningar i industrien
• Tiltakshierarki ¿ innhald og rasjonale
• «Control-banding»-strategi innan yrkeshygiene
• Fjerning/erstatning av kjemikaliar
• Prosess-tekniske og administrative tiltak
• Industriell ventilasjon inkludert naturlig, fortynning og fortrengingsventilasjon
• Lokal avtrekksventilasjon
• Måling av lufthastighet og luftmengde i ventilasjonssystem
• Personleg verneutstyr
• Metodar for å velje ut masker for aerosol og gass og vernehanskar
• Evaluering av effekten av intervensjonar arbeidsmiljøet
• Industrieksempel
• Vitskaplege artiklar om effekt av tiltak/intervensjonar på arbeidsplassen: Lesing og diskusjon

Læringsutbyte/resultat

Læringsutbyte:

Kunnskapar

Etter fullført emne skal studentane kunne:

• gjere greie for dei ulike framgangsmåtane for å redusere risikoen som angitt i tiltakshierarkiet, og velje ut passande strategiar for implementering
• gjere greie for metodar for å substituere kjemikaliar
• kjenne og forklare prinsippa for generell industriell ventilasjon, samt fordeler og ulemper med desse
• gjere greie for lokale avtrekkssystem, velje ut eigna installasjon, og vite korleis ein skal gjere målingar for å vurdere om systemet er effektivt og verkar etter spesifikasjonane
• forklare avgrensingane for avtrekk og innebygging, og korleis ein skal optimalisere dette
• gjere greie for spesiell helsefare som er knytt til arbeid i lukka rom, og korleis ein kan redusere helserisikoen der
• gjere greie for faktorar ein bør ta omsyn til for å berekne/bestemme den naudsynte beskyttelses-faktoren ved val av andedrettsbeskyttelse
• forklare faktorar ein må ta omsyn til ved val av kjemiske vernehanskar
• gjere greie for korleis program for bruk av personleg verneutstyr kan integrerast i kommunikasjon og opplæring i industrien

Ferdigheiter

Etter fullført emne skal studentane kunne:

• bruke «control-banding» strategi for å bestemme typen og graden av tiltak/kontroll
• analysere effekten av substitusjon basert på fysiske/kjemiske eigenskapar til stoffet
• velje ut eigna personleg verneutstyr
• analysere statistisk effekten av tiltak på arbeidsplassen

Generell kompetanse

• skape god samhandling og gode samarbeidsrelasjonar mellom ulike aktørar innan arbeidsmiljøfeltet
• utøve ein vitskapleg tenkjemåte, og vise ei kritisk tilnærming til forskingsresultat
• skriftleg og munnleg formidling

Undervisningssemester

Vår

Studienivå

Master

Krav til forkunnskapar

Studentar som er tatt opp til masterprogram. Ein god bachelorgrad i medisin, odontologi, helsefag eller realfag. Gode engelskkunnskapar

Undervisning og omfang

Kurset går over fire veker og inneheld førelesingar (24 timar), feltarbeid i industrien, gruppearbeid, skriftleg innlevering av individuell oppgåve, studentpresentasjonar og kritisk analyse av relevante vitskaplege artiklar.

Feltarbeidet i industrien og den individuelle oppgåva er essensielle delar av kurset med arbeidsmengde spreidd over heile kursperioden.

Feltarbeidet medfører førebuande teoretisk og praktisk arbeid, litteratursøk, arbeidsplassbesøk, industriell prosessbeskriving, datainnsamling i industrien, dataanalyse, skriftleg innlevering og presentasjon av resultat og konklusjonar for diskusjon i forskingsgruppa.

Den individuelle oppgåva omfattar relevante tilhøve i industrien med fokus på tiltak for å redusere eksponering for helsefarlege kjemiske stoff. Den endelege rapporten skal presenterast for diskusjon i forskingsgruppa.

Vurderingsformer

Skriftleg prøve (3t) og studentpresentasjon

2 interne sensorar

Karakterskala

Karakterskalaen A-F vert nytta