Mål og innhald

Emnet omfattar deler av den kvantemekaniske teorien for system med mange elektron. Første del av kurset omfattar determinantfunksjonar og integralreglar for slike, spinnkopling, andrekvantisering, samt utleiing av Hartree-Fock og Roothaan likningane. Deretter går ein gjennom grunnlaget for tettleiksfunksjonalteori (DFT) innanfor Kohn-Sham formalismen og diskuterer praktisk bruk av slike metodar. Andre del av kurset omfattar ulike bølgjefunksjonsbaserte metodar som inkluderer elektronkorrelasjon. Både metodar som tek utgangspunkt i Hartree-Fock og metodar som tek omsyn til nær degenerasjon mellom ulike elektronkonfigurasjonar blir gjennomgått. Studentane skal oppnå ei oversikt over og forståing av moderne metodar for beskriving av mange-elektron system.

Læringsutbyte/resultat

Etter fullført emne KJEM321 skal studenten kunne:

• gjere greie for sentrale omgrep og teknikkar innan kvantemekanikk for mange-elektronsystem.
• vise og forklare dei viktigaste trinna i uleiinga av Hartree-Fock og Roothaan likningane.
• klassifisere og samanlikne ulike moderne metodar som inkluderer elektron-elektron korrelasjon og formulere grunnlaget for og dei viktigaste approksimasjonane i desse.
• beskrive forventa grannsemd og systematiske feil ved bruk av dei ulike metodane på typiske kjemiske problemstillingar.

Undervisningssemester

Uregelmessig. Emnet inngår i undervisningsopptaket. Meir info: http://www.uib.no/matnat/utdanning/studiehverdag/undervisningsopptaket

Eksamenssemester

Det er ordinær eksamen kun semesteret emnet vert undervist og det påfølgende semesteret.

Krav til studierett

For oppstart på emnet er det krav om ein studierett knytt til eit masterprogram/Ph.d-utdanninga ved Det matematisk-naturvitskaplege fakultet, samt at du oppfyller ev opptakskrav

Krav til forkunnskapar

KJEM221/PHYS201 og MAT121

Fagleg overlapp

K321: 10 stp

Obligatoriske arbeidskrav

Øvingsoppgåver. Obligatoriske aktivitetar er gyldige for 6 påfølgande semester.

Vurderingsformer

Munnleg eksamen.
Obligatoriske aktivitetar er gyldige for 6 påfølgande semester.
Obligatoriske innleveringar må leverast innan fastsette fristar for å få obligatoriske aktivitetar godkjende og for å få tilgang til avsluttande eksamen i emnet.

Karakterskala

Ved sensur av emnet vert karakterskalaen A-F nytta.

Undervisningsstad

Bergen

Emneevaluering

Studentane skal evaluere undervisninga i tråd med UiB og instituttet sitt kvalitetssikringssystem.