Prosjektarbeid på forskingsprofil

Mål og innhald

Emnet er knytt til individuelle eller kollektive forskingsprosjekt i det kunsthistoriske fagmiljøet. Studentane gjer ein avtale med emneansvarleg om ei oppgåve innafor ramma til prosjektet. Oppgåva kan til dømes vera feltarbeid, materialinnsamling, eller eit teoretisk eller kunsthistorisk problem.

Emnet skal gje studentane erfaring med å arbeida innanfor ramma til eit konkret forskingsprosjekt.

Læringsutbyte/resultat

Emnet gjev spesialkompetanse i kunsthistorie innafor eit aktuelt forskingsfelt, og skal bidra til å utvikle analytiske evner og teoretisk og metodisk refleksjon. Det gjev og allmenn forskingskompetanse som kan kome til nytte ved seinare arbeid med masteroppgåva og i kulturinstitusjonar og kunnskapsbedrifter av ulike slag.

Undervisningssemester

Vår.

Undervisningsspråk

Norsk.

Studienivå

Master

Krav til studierett

Emnet er ope for alle med studierett ved masterprogrammet i Kunsthistorie.

Krav til forkunnskapar

Ingen.

Tilrådde forkunnskapar

KUN311

Undervisning og omfang

Undervisinga kan vere både førelesingar, seminar, workshops og/eller feltarbeid. Undervisingar føreset aktiv deltaking frå studentane.

Obligatoriske arbeidskrav

Studentane skal leggja fram arbeidet sitt til drøfting på eit seminar, ein workshop eller liknande og levera ei skriftleg oppgåve på 15 sider med halvannan linjeavstand og 12 punkt Times eller liknande skrifttype.

Deltaking på seminar/ workshop er obligatorisk, og vert godkjent med maksimum 20 prosent fråvær.

Vurderingsformer

Ei skriftleg oppgåve på 15 sider med halvannan linjeavstand og 12 punkt Times eller liknande skrifttype

Karakterskala

Karakterskala frå A til F, der E er siste ståkarakter

Læremiddelomtale

Pensum er på om lag 1000 sider.

Undervisningsstad

Bergen

Emneevaluering

Evaluering av tilbodet vert gjennomført i tråd med UiBs kvalitetssikringssystem.

Kontaktinformasjon

Institutt for lingvistiske, litterære og estetiske studium

E-post: studierettleiar@lle.uib.no