Kulturvitenskap - Tradisjon og modernitet: fortida i nåtida

Mål og innhald

Fagleg innhald

Kulturarv, tradisjon og historie spelar ei viktig rolle i vår samtidskultur. Emnet gir ei innføring i feltet bruk av fortida i notida og tematiserer sentrale perspektiv og problemstillingar innafor feltet. Relevante kulturelle prosessar blir analysert på bakgrunn av teoriar om modernitet, identitet og globalisering. Faghistoriske perspektiv blir vektlagde.

Læringsmål

Emnet tek sikte på å gi ei innføring i kulturvitskaplege perspektiv og problemstillingar. Emnet skal gi studentane kunnskapar dei kan byggja på ved seinare spesialisering og fordjuping.

Læringsutbyte/resultat

Kunnskapar

Ved fullført emne har studentane tileigna seg kunnskapar om kulturelle samanhengar der førestillingar om fortid står sentralt. Dei skal også ha fått grunnleggjande innsikter i kulturvitskaplege tenkjemåtar og kjennskap til kulturvitskapleg forsking.

Ferdigheiter

Studentane har tileigna seg evne til kritisk refleksjon i høve til feltet, dei kan skriva ein resonnerande tekst og kan nytta faglege kunnskapar på teoretiske problemstillingar.

Generell kompetanse

Studentane kan diskutera faglege tema innafor kulturvitskapen med andre med bakgrunn innafor fagområdet.

Undervisningssemester

Haust

Undervisningsspråk

Norsk

Studienivå

Bachelor

Krav til studierett

Emnet er opent for studentar med studierett på UiB.

Krav til forkunnskapar

Ingen

Tilrådde forkunnskapar

Ingen

Fagleg overlapp

Ingen

Undervisning og omfang

Normalt 13 førelesingar. I tillegg til førelesingar og seminar blir det, dersom ressursane tillet det, organisert kollokviegrupper leia av timelærarar eller undervisingsassistentar.

Obligatoriske arbeidskrav

Det er obligatorisk å levera ei skriftleg øvingsoppgåve. I øvingsoppgåva skal studenten analysera eit aktuelt eksempel med utgangspunkt i pensumlitteraturen. Lengda på øvingsoppgåva skal ikkje overstiga 1200 - 1500 ord. Det er òg obligatorisk å kommentera oppgåveutkastet til ein annan student. Faglærar gjev to skriftlege tilbakemeldingar på oppgåva. Frist for innlevering av oppgåva blir kunngjort på Mi Side. Oppgåva skal godkjennast av faglærar.

Obligatoriske undervisingsaktivitetar er gyldige i to semester etter det undervisingssemesteret dei vart godkjende.

Vurderingsformer

Studiet blir avslutta med ein 7-dagars heimeeksamen og ei justerande munnleg prøve. Det skriftlege eksamensarbeidet skal vera på om lag 3000 ord.

Det er ein føresetnad for å gå opp til eksamen at studenten har levert øvingsoppgåva, og fått denne godkjent av faglærar. Alle obligatoriske arbeidskrav må vera oppfylte for at studenten skal kunna møta til eksamen.

Karakterskala

Det vert nytta gradert karakterskala frå A til F, der F er stryk.

Læremiddelomtale

Instituttet utarbeider pensumlister, pensum er om lag 1200 -1500 sider.

Undervisningsstad

Institutt for arkeologi, historie og kultur- og religionsvitskap

Emneevaluering

Studentane vil med jamne mellomrom bli bedne om å evaluera emnet.

Kontaktinformasjon

Studierettleiar@ahkr.uib.no