Mastergradsoppgåve i kulturvitskap

Mål og innhald

Mastergradsoppgåva er eit vitskapleg arbeid, som studenten har arbeidd sjølvstendig med. Arbeidet skal vise eit refleksjonsnivå og ei fagleg modning. Studenten skal bli fortruleg med teori, metode og forskingsetikk og skal meistre breie litteratursøk og bruk av forskingslitteratur.

Læringsutbyte/resultat

Kunnskapar: Ved fullført mastergrad har studenten innsikt i fagtradisjonar, forskingsetiske problemstillingar, og ulike metodiske teknikkar og teoriar.

Ferdigheiter: Studenten kan etablere sjølvstendige problemstillingar, gjere avgrensingar, kartlegge kilder, gjere breie litteratursøk, og systematisere og analysere eit materiale. Studenten kan formidle sitt eige forskingsarbeid på ein forståeleg måte i skriftleg form.

Generell kompetanse: Studenten har opparbeidd evnen til å problematisere og reflektere om omgrep, teori, metode og forskingsetikk og har fått ein kompetanse i skriftleg og munnleg fagleg diskusjon.

Undervisningssemester

Haust og vår

Undervisningsspråk

Norsk

Studienivå

Master

Institutt

Institutt for arkeologi, historie, kultur- og religionsvitskap

Krav til studierett

Emnet er ope for alle som er tekne opp på masterprogrammet i kulturvitskap ved AHKR.

Krav til forkunnskapar

For å levere mastergradsoppgåva må studenten ha avlagt og bestått kursdelen på masterstudiet, det vil si eksamen i emnene KUVI302 og KUVI304, samt i andre godkjende emne tilsvarande 30 studiepoeng.

Tilrådde forkunnskapar

Ein tilrår emna KUVI 301 og KUVI 303.

Undervisning og omfang

Alle studentar som er tekne opp til mastergradsstudiet har rett og plikt til individuell rettleiing i arbeidet med oppgåva. Rettleiinga er regulert gjennom ei individuell rettleiingsavtale.

Obligatoriske arbeidskrav

Studentane skal ta del i masterseminar med framlegging og diskusjon av oppgåvetekstar. Det er obligatorisk med minst 70 prosent oppmøte.

Studenten skal óg ta i mot rettleiing kvart semester under arbeidet med masteroppgåva. Ein rettleiingskontrakt som gjer nærare greie for rettar og plikter, skal skrivast under av student, rettleiar og fagkoordinator.

Vurderingsformer

Mastergradseksamen består av mastergradsoppgåva (70 - 110 sider) og ei munnleg prøve. Mastergradsoppgåva skal vere instituttet i hende innan 1. februar eller 15. mai i vårsemesteret og innan 1. september eller 20. november i haustsemesteret. Saman med mastergradsoppgåva skal det leverast intervjuutskrifter og mediemateriale, dersom slike er nytta som materiale. Den munnlege prøva kan justera karakteren på oppgåva opp eller ned ein karakter.

Karakterskala

Det vert nytta gradert karakterskala frå A til F, der F er stryk.

Læremiddelomtale

Studentane vel sjølve ut relevante læremiddel i samråd med rettleiar.

Undervisningsstad

UiB

Emneevaluering

Studentane vil med jamne mellomrom bli bedne om å evaluera emnet i tråd med UiB sitt kvalitetssikringssystem.

Kontaktinformasjon

studierettleiar@ahkr.uib.no