Mål og innhald

Hovudmålet er å styrka kunnskapane i formlære og syntaks med systematisk innlæring av det sentrale ordtilfanget. Dessutan skal studentane skaffa seg eit oversyn over romersk litteraturhistorie med særskild vekt på forfattarane og tekstane som vert lesne, samt større kjennskap til romersk kulturhistorie.

Læringsutbyte/resultat

Studentane skal få auka kjennskap til latinsk språk og litteratur, i første rekkje frå den klassiske perioden. Emnet vil kunne tene som reiskap for alle fag som har latinske kjelder.

Undervisningssemester

Haust

Studienivå

Bachelor

Krav til studierett

Emnet er ope for alle med studierett ved Universitetet i Bergen.

Krav til forkunnskapar

Ingen.

Tilrådde forkunnskapar

Latinkunnskaper tilsvarende fullført LAT102.

Undervisning og omfang

Undervisninga vert gjeven i form av førelesingar over delar av pensum og øvingar i praktisk språkbruk, m.a. gjennom omsetjingar frå norsk til latin.

Om lag 52 timar (to dobbelttimar i veka).

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Obligatoriske arbeidskrav

Ingen.

Vurderingsformer

Skuleeksamen på 6 timar med ordbok.

Ordboka skal vere frå latin til morsmål eller frå latin til anna valfritt språk og skal ikkje innehalde bøyingsmønster: Johanssen, Nygaard etc., Latinsk ordbok eller ordbok av tilsvarande storleik.

Karakterskala

Karakterskala A til F.

Læremiddelomtale

Pensum er på omlag 80 sider latinsk tekst (30 liner = 1 side). Minst 50 av desse vert leste i kommenterte utgåver. Dessutan inngår ei handbok i latinsk grammatikk og eit oversyn over romersk litteraturhistorie.

Undervisningsstad

Bergen

Emneevaluering

Studentane skal evaluere undervisinga i tråd med instituttet sine retningsliner og UiB sitt kvalitetsikringssystem.