Mål og innhald

Emnet omfattar studium av eit utval av Horats (65-8 f. Kr.) og Vergil (70-19 f. Kr.). Dessutan skal heile Eneiden av Vergil studerast i omsetjing.

Det blir óg gitt innføring i lyriske versemål og i gresk litteraturhistorie, med særleg vekt på Horats´ og Vergils førebilete. Vidare skal studentane få eit oversyn over Roma sin topografi og monument med særleg omsyn til Augustus´ periode.

Læringsutbyte/resultat

Studentane skal få større innsikt i det som særmerker augusteisk poesi, og den kunnskapen om latinsk poetisk språkbruk, metrikk, mytologi og greske førebilete som ein treng for å kunne verdsette romersk lyrikk og episk dikting på originalspråket.

Undervisningssemester

Undervisninga blir normalt gitt i vårsemesteret

Studienivå

Bachelor

Krav til studierett

Emnet er ope for alle med studierett ved Universitetet i Bergen.

Denne eksamenen er open for personar utan studierett, etter søknad til Utdanningsavdelinga. Se UHL §3-10.

Krav til forkunnskapar

Ingen.

Tilrådde forkunnskapar

Som forkunnskapar i latin rår ein til at studentane har avlagt eksamen i minst 3 av latinemna på 100-nivå.

Undervisning og omfang

Undervisninga blir gitt i form av førelesingar over delar av pensumtekstane og andre moment i pensum.

26 timar (en dobbelttime i veka).

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Obligatoriske arbeidskrav

Ingen.

Vurderingsformer

Eksamen består av ei skriftleg prøve på 6 timar, med omsetjing og litterær interpretasjon av valde delar av pensumtekstane (med ordbok), og spørsmål om metrikk og andre delar av pensum.

Ordboka skal vere frå latin til morsmål eller frå latin til anna valfritt språk og skal ikkje innehalde bøyingsmønster: Johanssen, Nygaard etc., Latinsk ordbok eller ordbok av tilsvarande storleik.

Karakterskala

Karakterskala A-F.

Læremiddelomtale

Pensum er til saman på omlag 75 sider romersk poesi (30 liner = 1 side), lesne i kommenterte utgåver. Dessutan inngår oversiktlege framstellingar av Roma sin topografi, og relevante delar av meir avanserte framstellingar av romersk litteratur- og kulturhistorie med vekt på Augustus´ periode.

Undervisningsstad

Bergen

Emneevaluering

Evaluering av tilbodet vert gjennomført i tråd med UiBs kvalitetssikringssystem.