Mål og innhald

Emnet gir meir djuptgåande kunnskapar innanfor eit avgrensa område av latinsk språk og litteratur. Det kan gjelde eit område som har inngått i studiet tidlegare (t.d. romersk poesi, historieskriving eller retorikk), ein ny periode (t.d. seinantikken eller renessansen), eller eit spesialfelt som epigrafikk eller paleografi.

Læringsutbyte/resultat

Studentane skal få oppøvd evna til å forstå og referere samanhengar av litterær, historisk, overleveringsmessig eller språkleg art. Dette fører med seg meir omfattande lesing av sekundærlitteratur, og kan gjennom spesialiseringa førebu val av tema innanfor eit eventuelt følgjande mastergradsstudium.

Undervisningssemester

Undervisninga blir normalt gitt i haustsemesteret.

Studienivå

Bachelor

Krav til studierett

Emnet er ope for alle med studierett ved Universitetet i Bergen.

Krav til forkunnskapar

Ingen.

Tilrådde forkunnskapar

Som forkunnskapar i latin rår ein til at studentane har avlagt eksamen i minst 3 av latinemna på 100-nivå.

Fagleg overlapp

LAT254 overlappar med LAT204 (15 stp)

Undervisning og omfang

Undervisninga blir gitt i form av individuell rettleiing. Ein rår til at studentane tek del i eventuelle metode- og oppgåveseminar innafor mastergradsstudiet.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Obligatoriske arbeidskrav

Munnleg presentasjon av tema og metode ved eit seminar.

Obligatorisk rettleiing på bacheloroppgåva.

Vurderingsformer

Ei bacheloroppgåve under rettleiing og munnleg eksamen. Bacheloroppgåva må ha blitt godkjend for at kandidaten skal kunne gå opp til munnleg eksamen. Endeleg sensur blir gitt etter munnleg eksamen. Det blir gitt ein samla karakter på oppgåva og den munnlege eksamen.

Karakterskala

Karakterskala A-F.

Læremiddelomtale

Pensum er dels tekstar på latin og i omsetjing, dels sekundærlitteratur. Omfanget av tekstane er avhengig av vanskegraden og høvet mellom originaltekst, omsetjingar og sekundærlitteratur, og av type tema.

Undervisningsstad

Bergen

Emneevaluering

Evaluering av tilbodet vert gjennomført i tråd med UiBs kvalitetssikringssystem.