Lingvistikk mastergradsoppgåve

Mål og innhald

Studenten vel eit lingvistisk emne som han/ho vil undersøkje vitskapleg. Resultatet av undersøkinga skal leggjast fram i form av ei masteroppgåve. Oppgåva treng ikkje leggje fram nytt materiale eller føre til nye originale konklusjonar for å bli godkjend, men det blir stilt krav til vitskapleg metode og handsaming av stoffet. Storleiken vil vere sterkt avhengig av emnet, men som normalt kan ein antyde 50-120 sider.

Læringsutbyte/resultat

Masteroppgåva skal kvalifisere studenten til å drive forsking innanfor lingvistiske emne.

Undervisningssemester

Haust/vår.

Undervisningsspråk

Norsk

Studienivå

Master

Krav til studierett

Krav om gyldig studierett på masterprogrammet i lingvistikk ved UiB.

Krav til forkunnskapar

Berre studentar som er tekne opp på masterstudiet etter gjeldande reglar, kan få rettleiing og levere masteroppgåve i lingvistikk.

Undervisning og omfang

Val av emne for masteroppgåva må godkjennast av fagmiljøet. Det må falle innanfor dei lingvistiske disiplinane der fagmiljøet sjølv har eller kan skaffe den naudsynte kompetansen. I arbeidet med masteroppgåva har studenten krav på å få tildelt ein fagleg rettleiar. Fagmiljøet avgjer kven som skal vere rettleiar for kvar enkelt student.

Obligatoriske arbeidskrav

Student og rettleiar skriv båe under på ein rettleiingskontrakt.

Før den munnlege slutteksamenen skal studenten ha halde eit seminarinnlegg på eit instituttseminar. Innlegget kan vere ein presentasjon av delar av masteroppgåva eller ei innleiing til diskusjon om eit anna arbeid.

Vurderingsformer

Masteroppgåva skal innleverast innan dei gjeldande fristane. Etter at masteroppgåva er godkjend og evaluert, går kandidaten opp til ein munnleg eksamen som har tilknyting til masteroppgåva. Munnleg eksamen kan justere karakteren for masteroppgåva med inntil 1 karakter opp eller ned.

Karakterskala

Karakterskala A-F.

Undervisningsstad

Bergen

Emneevaluering

Evaluering av tilbodet vert gjennomført i tråd med UiBs kvalitetssikringssystem.

Kontaktinformasjon

Institutt for lingvistiske, litterære og estetiske studium

E-post: studierettleiar@lle.uib.no