Mål og innhald

Muskel- og skjelettsystemet sin anatomi.

Klinisk førelesingsserie med relevante sjukehistoriar.

Læringsutbyte/resultat

Kunnskapar

Etter fullført emne skal studentane kunne gjere greie for:

• Oppbygnad av skjelettet. Det vil bli lagt særskilt vekt på virvelsøyla og ekstremitetane sin oppbygnad og funksjon.
• Oppbygnad og funksjon til dei viktigaste ledda.
• Funksjon og innervasjon til dei viktigaste musklane.
• Oppbygnad og funksjon til spinalnervane, deira danning av nervefletningar, samt dei store nervane til ekstremitetane.
• Blodforsyninga i høve til ekstremitetane med kjennskap til pulsstader.
• Overflateanatomi relatert til muskel- og skjelettsystemet.
• Enkle kliniske tilstandar som er sentrale i høve til muskel- og skjelettsystemet.
• Oppbygnad, funksjon, blodforsyning og lymfedrenasje til brystkjertelen.

Ferdigheiter

Etter fullført emne skal studentane kunne:

• Palpere viktige strukturar i høve til muskel- og skjelettsystemet (t.d. beinstrukturar, nerver, leddspalter) på ein person.
• Kjenne att bein, musklar, nervar og blodkar på preparat.

Generell kompetanse

Etter fullført emne skal studentane:

• Forstå etikken bak det å gje kroppen sin til disseksjon
• Vise djup respekt for det å kunna bruka ein kropp til disseksjon
• Ha ei verdig framferd på disseksjonssalen.

Det vert også lagt vekt på å få studentane til å forstå kor viktig det er å ta vare på kvarandre no, vidare i studiet, samt seinare - i høve til både pasientar, pårørande og kollegaer.

Undervisningssemester

Vår

Krav til studierett

Medisinstudiet

Undervisning og omfang

25 førelesingar

30 timar disseksjon per student (med rettleiing).

2 timar overflateseminar per student (med rettleiing)

Obligatoriske arbeidskrav

Disseksjonskurs

Vurderingsformer

To timars skrifteleg eksamen for alle med relevante kliniske spørsmål. 25 studentar vert trekte ut til munnleg/praktisk eksamen (15 minuttar på kvar). Munnleg/praktisk eksamen utgjer 25% av den totale karakteren.

Karakterskala

A-F

Emneevaluering

Skriftleg evaluering via Mi side.