Undervisingsspråk

Norsk

Kursinnhald

Kurset skal kaste lys over vitskapsteoretiske og vitskapshistoriske tema med særleg relevans for samfunnsmedisinsk og helsefagleg forsking.

Kurset skal stimulere til refleksjon og verke samanbindande og identitetsskapande.

Dag 1: Kva er samfunnsmedisin og helsefag?

Her set vi søkjelyset på den historiske bakgrunnen til samfunnsmedisinen og helsefaga, deira teoretiske og metodiske særpreg, og utfordringar i tida som kjem. Ansvarleg: Aina Schiøtz, professor i medisinsk historie.

Dag 2: Dilemma i førebyggjande helsearbeid

Her rettar vi eit kritisk blikk på teoriar, strategiar og roller i det førebyggjande og helsefremjende arbeidet. Makt er eit sentralt tema, men òg etikk, prioriteringar og val vert diskutert. Ansvarleg: John Gunnar Mæland, professor i sosialmedisin. 

Læringsutbyte

Kunnskapar

Etter gjennomført emne skal kandidatane

• ha kjennskap til grunnleggjande element i naturvitskapleg og humanistisk/samfunnsvitskapleg forsking innanfor samfunnsmedisin og helsefag.
• ha innsikt i og medvit om ulike forståingsformer og tenkemåtar i dei to vitskapstradisjonane, og korleis desse har utvikla seg historisk og internasjonalt.
• ha innsikt i sentrale teoriar og omgrep i samfunnsmedisin og helsefag, kva dei rommar og korleis dei vert nytta i praktisk helsefagleg verksemd.

Ferdigheiter

Etter gjennomført emne skal kandidatane kunne

• dra inn og formulere relevante synsmåtar frå andre vitskapstradisjonar i eiga forsking.
• diskutere og nytte relevante omgrep i eiga forsking, og i diskusjonen vere medvetne om at omgrepa kan vere mangetydige og problematiske.
• bidra til utvikling av tverrfaglege forskingsprosjekt og andre former for samarbeid.

 Generell kompetanse

Etter gjennomført emne skal kandidatane

• kunne samarbeide på tvers av vitskapstradisjonar og forskingsmiljø.
• ha eit utvida nettverk av relevante samarbeids- og ressurspersonar i og utanfor eige fagfelt.
• ha oppøvd evna til kritisk og kreativ tenking.
• kunne formidle forsking med ambisjon om å nå eit vidare publikum enn dei med kjennskap til eige fagfelt.

Undervisningsperiode

Annan kvar haust

neste gong 2015

Studiepoeng

2 studiepoeng

Vurderingsform

Basert på aktiv deltaking.

Bestått/ikkje bestått.

Kven kan delta

ph.d-kandidatar

Utfyllande kursomtale

Deltakarane skal på førehand ha lest ressurslitteraturen.

Program

Haust

Dag 1. Dilemmaer i forebyggende helsearbeid

Dag 2. Hva er samfunnsmedisinsk og helsefaglig forskning?

Kombinasjon av førelesingar og gruppediskusjonar.

Deltakarane på emneserien "Grunnlagsproblem i samfunnsmedisin og helsefag" vert oppfordra til å skrive eit essay (rundt 15 sider), der dei kritisk vurderer avhandlinga si i lys av eitt eller fleire tema i emneserien.

Godkjent essay gjev eitt studiepoeng ekstra. Sjå MEDGRSAMESSA.

Kontaktinformasjon

Institutt for global helse og samfunnsmedisin

E-post: studie@isf.uib.no

Emneansvarleg: Aina Schiøtz

E-post: aina.schiotz@isf.uib.no

Kjernelitteratur

Forskarkurset MEDGRSAM1, artikkelsamling