Masteroppgåve i medievitskap

Mål og innhald

I utviklinga av masteroppgåva øvast du opp til sjølvstendig vitskapleg arbeid og framstilling. Masteroppgåva skal handle om eit tema som er relevant for medievitskap.

Læringsutbyte/resultat

Etter avslutta masteroppgåve vil studenten ha demonstrert evne til

• å utføra vitskapleg arbeid gjennom akademisk skriving og munnleg framstilling

• å reflektera omkring vitskaplege vurderings- og kvalitetskriterier og forskingsetikk i eiget og andre sitt vitskaplege arbeid

• å formulera klare problemstillingar og til å trekkja inn relevant kunnskap og forsking på det aktuelle feltet

• å samla inn og systematisera eit større empirisk materiale og å analysera dette materialet i lys av ei sjølvvalt problemstilling

• å grunngje eigne teoretiske og metodiske val og bruka teoriar og teoretiske omgrep i analyse av eit empirisk materiale

• sjølvstendig arbeid, analyse og kritisk refleksjon

• å setja seg inn i nye problemstillingar, tileigna seg ny fagkunnskap og å bruka denne kunnskapen i sjølvstendig analyse av yrkesfaglege og samfunnsmessige problemstillingar

Eksamenssemester

Masteroppgåva skal leverast i fjerde semester og det er følgjande faste fristar: 1.februar, 15. mai, 1.september, 1.desember . Masteroppgåva skal leverast elektronisk på emnet si heimeside på studentportalen. Innlogging over Mi Side.

Undervisningsspråk

Norsk

Krav til studierett

Emnet er reservert studentar på masterprogrammet i medievitskap.

Krav til forkunnskapar

Bachelorgrad eller tilsvarande.

Undervisning og omfang

Undervisning og individuell rettleiing.

Obligatoriske arbeidskrav

Etter at masteroppgåva er innlevert skal studenten gi ein 30 minutters presentasjon av masteroppgåva. Presentasjonen finner stad normalt same dag som avsluttande eksamen.

Eksamenskommisjonen bedømmer presentasjonen til godkjend/ikkje godkjend. Dersom presentasjonen ikkje kan godkjennast, vil studenten få høve til å gi ein ny presentasjon, utan å levere oppgåva på nytt. Dette må skje innafor same semester som då oppgåva vart levert. Godkjend presentasjon er ei føresetnad for å gå opp til avsluttande eksamen.

Vurderingsformer

Ei masteroppgåve på omlag 80 sider/om lag 32000 ord.

Justerande munnleg eksaminasjon i form av samtale mellom kandidaten og kommisjonen om masteroppgåva, normalt avgrensa til 45 minutt.

Kommisjonen fastsett karakteren etter ei samla vurdering av oppgåva og samtalen om denne.

Karakterskala

Karakterskala A-F

Kontaktinformasjon

studieveileder@media.uib.no