Mål og innhald
Emnet gir ei oversikt over sentrale tema for årsaker og mekanismar som fører til utvikling av kreft. Hovuddelen av pensum består av originale publikasjonar som i sum omhandlar årsaker og mekanismar for kreftutvikling. Det blir fokusert på korleis overordna prinsipp blir oppdaga og forstått gjennom hypotesestyrt eksperimentell forsking. Studentane skal delta aktivt i undervisinga gjennom diskusjonar og ved å presentere relevante vitskapelege artiklar for gruppa.
Læringsutbyte/resultat
Ved fullført MOL215 skal studenten ha fått ei oversikt over dei mest sentrale molekylære mekanismar som er kjent å ha betyding for tumorbiologi inklusivt genetiske mekanismar.
Studenten skal kunne:
- lese vitskapelege originalpublikasjonar
- vurdere resultat som er lagt fram i forhold til eksperimentelle teknikkar som er nytta
- finne hovudinformasjonen i en vitskapeleg artikkel
- sette resultat og problemstillingar i samband med tidligare kunnskap innan det omtalte emnet
- presentere vitskapeleg litteratur for medstudentar
- gi skriftlig utgreiing av resultat presentert i vitskapelege publikasjonar og gjennomføre ei faglig vurdering av resultata.
Eksamenssemester
Det er ordinær eksamen kvart semester
Krav til studierett
For oppstart på emnet er det krav om ein studierett knytt til Det matematisk-naturvitskaplege fakultet, samt at du oppfyller ev opptakskrav
Krav til forkunnskapar
MOL100 og MOL200 eller tilsvarande. Emnet høver best i mastergraden, tidlegast i 5. eller 6.semester av bachelorgraden.
Obligatoriske arbeidskrav
Godkjent oppgåve og presentasjon. Kurset inkluderar ei obligatorisk skriftleg semesteroppgåve som utgjer 1 SP av den totale arbeidsmengda.
Vurderingsformer
Skriftleg eksamen, 4 timar.
Ingen kalkulator tillatt.
Karakterskala
Ved sensur av emnet vert karakterskalaen A-F nytta.
Emneevaluering
Studentane skal evaluere undervisninga i tråd med UiB og instituttet sitt kvalitetssikringssystem.
UiB