Musikkdidaktikk 1

Mål og innhald

Studenten skal kunne planleggje, gjennomføre og vurdere musikkpedagogisk verksemd tilpassa

den einskilde elev og elevgruppe og problematisere og ta hand om musikkpedagogiske

oppgåver.

Emnet gjev introduksjon til didaktikken og presenterer didaktiske kategoriar som reiskap i

musikkundervisning. Emnet omfattar ulike tilnærmingar til skapande arbeid og

instrumentspesifikk musikkdidaktikk. I emnet inngår didaktikk for grunnskuleundervisning og

gjesteførelesingar om fagspesifikke metodar innan musikkundervisning. 

Læringsutbyte/resultat

Studentane skal på grunnlag av læringsmåla og det faglege innhaldet ha eit medvite forhold til

eiga rolle som lærar, slik at dei på gode måtar kan planleggje, gjennomføre, vurdere, og utvikle

eigen lærarpraksis, åleine og i samspel med andre.

Studenten skal:

- forstå musikkpedagogisk verksemd i høve til didaktikk, med vekt på didaktiske kategoriar

- kjenne og forstå aktuelle læreplanar med vekt på musikk i grunnskule og kulturskule

- ha praktisk-metodisk kunnskap i musikkfagleg hovuddisiplin

- ha praktisk-metodisk kunnskap i skapande arbeid, med vekt på komposisjon/improvisasjon og

kreative prosessar

- ha praktisk-metodisk kunnskap i klasseromsundervisning, med vekt på musikk og klasseleiing

Vidare skal studenten kunne bruke denne kunnskapen i kritisk refleksjon kring ulike former for

musikkpedagogisk praksis.

Undervisningssemester

Emnet startar i haustsemesteret og går over to semester.

Krav til forkunnskapar

Emnet føreset at studenten er teken opp på programmet Praktisk-pedagogisk utdanning i

utøvande musikk (60 stp).

Undervisning og omfang

Fellesundervisninga er om føremiddagen og omfattar førelesingar, gruppearbeid og utøvande

verksemd. Undervisninga i instrumentspesifikk musikkdidaktikk vert avtalt individuelt.

Obligatoriske arbeidskrav

All undervisning er obligatorisk. Fråver på meir enn 20% fører normalt til tap av eksamensrett.

Instrumentspesifikk musikkdidaktikk krev 100% frammøte. 2,5 timars skriftleg prøve i slutten av

haustsemesteret som vert vurdert av to faglærarar. Prøva må vere godkjent før ein kan framstille seg til eksamen.

Vurderingsformer

Semesteroppgåve knytta til instrumentspesifikk didaktikk i haustsemesteret, ca. 3000 ord.

Utøvande eksamen i skapande arbeid i vårsemesteret med eksterne elevar.

Vurdering av to faglærarar.

Karakterskala

Greidd/Ikkje greidd.

Dei to eksamenskomponentane må vere greidd for at emnet skal vere greidd.

Læremiddelomtale

Felles pensum og instrumentspesifikt pensum. 

Emneevaluering

Undervisninga blir evaluert i tråd med Universitetet i Bergen sitt kvalitetssikringssystem. 

Kontaktinformasjon

Griegakademiet - Institutt for musikk. E-post: studierettleiar@grieg.uib.no