Mål og innhald

Emnet gjev studenten høve til å fordjupe seg innan eit sjølvvald og avgrensa tema i musikkterapien og til å utarbeide eit sjølvstendig skriftleg arbeid gjennom litteraturstudiar og andre relevante metodar.

Læringsmål

Etter gjennomført emne er det forventa at studentane kan dokumentere evne til skriftleg å gjere greie for og drøfte eit tema innan musikkterapien, med evne til kritisk refleksjon og medvit om teori, metode og etiske problemstillingar innan fagfeltet.

Undervisningssemester

Emnet går vanlegvis i vårsemesteret (6. semester i normalprogresjonen). Studentar på Forskingslinja tar emnet i 5. semester.

Tilrådde forkunnskapar

Musikkterapi fordjuping bør byggje på den teoretiske, praktisk-musikalske og terapeutiske innsikt og erfaring som arbeid med dei andre emna på 100- og 200-nivå i det integrerte masterstudiet gjev.

Undervisning og omfang

Studentane arbeider sjølvstendig med musikkterapi fordjuping, men får tilbod om rettleiing og oppgåveseminar.

Obligatoriske arbeidskrav

Oppgåverettleiing (omfang etter gjeldande retningslinjer) og oppgåveseminar (1 t per student). Fråvær på meir enn 20% fører normalt til tap av eksamensrett.

Vurderingsformer

Kandidaten leverer eit sjølvstendig skriftleg arbeid på 8-10000 ord, ca. 25-30 sider med linjeavstand halvannan, margar 2,5 cm og Times New Roman 12 som skrifttype. Litteraturliste og vedlegg kjem i tillegg.

Minst to sensorar kor ein skal vera ekstern. Vurderingsuttrykk: Bokstavkarakterar.

Læremiddelomtale

Pensum er på ca. 1000 sider, derav ca. 300 sider om oppgåveskriving og metode og 700 sider sjølvvald pensum knytt til tema for fordjupingsoppgåva.

Emneevaluering

Det blir gjennomført evaluering i form av spørjeskjema. Ein skriftleg rapport blir utarbeidd.