Musikkdramatikk

Mål og innhald

Studenten skal gjennom prosjekt og arbeid med scenisk grunntrening, regi og instruksjon tileigne seg innsikt i musikkdramatikk og dei ulike elementa knytt til musikkteaterproduksjon.
Emnet høver for studentar med song som hovuddisiplin, og som ønskjer å fordjupe seg i musikkdramatikk.

Læringsutbyte/resultat

Studenten i fullført emne
- kan koble eiga vokalutøving med scenisk instruksjon.
- har eit omgrepsapparat for korleis instruksjon og regi vert formidla i eit ensemble.
- forstår korleis dei ulike musikkdramatiske sjangrane er bygd opp.
- kjenner dei sentrale scenografiske og teatertekniske verkemidla som er i bruk i musikkdramatisk produksjon.

Undervisningssemester

Undervisninga startar i haustsemesteret og går over to semester.

Undervisningsspråk

Norsk og/eller engelsk.

Studienivå

Bachelor.

Krav til studierett

Bachelorprogram i utøvande musikk eller komposisjon.

Krav til forkunnskapar

Emnet er normalt eit tilbod til studentar som har gjennomført 2. studieår på Bachelorprogram i utøvande musikk eller komposisjon med song som hovuddisiplin, eller tilsvarande. I særskilde høve (etter opptaksprøve) kan også studentar med song som bidisiplin få opptak.

Fagleg overlapp

Emnet erstatter MUV217 Musikkdramatikk.

Undervisning og omfang

Emnet skal gje studenten kunnskap og erfaringar med:
- kroppen som uttrykksmiddel
- form og innhald i musikkdramatiske verk
- scenografiske og teatertekniske verkemiddel
- scenisk grunntrening
- regi

Emnet vil delvis samorganiserast med andre vokalstudium ved instituttet. Undervisninga omfattar fellesførelesingar og prosjektarbeid, og blir gjennomført i samsvar med ein eigen semesterplan. Det blir lagt stor vekt på gruppearbeid. I tillegg kjem tilrådd litteratur, innspelingar o.a. som det er ein føresetnad at studenten set seg inn i på eiga hand.

Prosjektarbeid omfattar:
- Deltaking i scenisk produksjon med profesjonell instruktør.
- Praksis i eksternt musikkteaterprosjekt, godkjent av instituttet. Det kan vere på profesjonelt/semiprofesjonelt nivå. Det kan også vere i samarbeid med frivillig musikkliv/musikkskular, grunnskular eller annan utdanningsinstitusjon. Praksisarbeidet kan utførast som songar/skodespelar eller som produsent, inspisient, scenearbeidar eller av ein annan teaterteknisk karakter.

Obligatoriske arbeidskrav

- rettleia prosjektarbeid i gruppe.

All undervisning er obligatorisk.

Fråvær på meir enn 20% fører til tap av eksamensrett. Det er ein føresetnad at alle obligatoriske arbeidskrav er gjennomført og godkjent før eksamen. Godkjente obligatoriske arbeidskrav er gyldig i to semester etter gjennomføring. Dette gjeld for heile gruppa samla.

Vurderingsformer

Eksamen er scenisk framføring av prosjektarbeid.

Intern sensur med minst to sensorar.

Karakterskala

Greidd/Ikkje greidd.

Undervisningsstad

Bergen

Emneevaluering

Undervisninga blir evaluert i tråd med Universitetet i Bergen sitt kvalitetssikringssystem.

Kontaktinformasjon

Griegakademiet - Institutt for musikk. E-post: studierettleiar@grieg.uib.no