Mastereksamen i utøving eller komposisjon

Mål og innhald

Emnet skal føre studenten fram mot eit høgt musikalsk nivå, der originalitet og sjølvstende i kunstnariske val står sentralt.

Utøvarane skal arbeide med eit repertoar som skal presenterast som ein offentleg eksamenskonsert. Konserten skal avspegle studenten sin kunstnariske profil og fordjuping på masterstudiet. Studenten deltar også i einskilde fellesaktivitetar og ensemble.

Komponistane skal fortsetje arbeidet med komposisjonar og leggje fram tidlegare verk som er skrivne i løpet av studietida. I tilknyting til framlegg av verk skal det gjennomførast ein offentleg konsert som skal avspegle studenten sin kunstnariske profil og fordjuping på masterstudiet.

Læringsutbyte/resultat

Studenten skal kunne:

• vise eit høgt instrumentalt/vokalt (utøvarar) eller kompositorisk (komponistar) nivå.
• realisere og formidle sine kunstnariske intensjonar med ein tydeleg personleg profil.
• vise sjølvstende i møte med krevjande kunstnariske utfordringar
• bruke kunnskap til å utvide sitt eige musikalske perspektiv og gjennomføre sjølvstendig kunstnarisk utviklingsarbeid

Undervisningssemester

Haust og vår. Emnet startar i haustsemesteret, og går over to semester.

Undervisningsspråk

Det vil bli brukt både norsk og engelsk i undervisninga. Individuell rettleiing vil bli gitt på norsk eller engelsk etter behov. Undervisning i seminarform/gruppe vil, avhengig av den språklege samansetninga av studentgruppa, gå føre seg på norsk eller engelsk.

Studienivå

Master

Krav til studierett

Opptak til masterprogram i utøvende musikk eller komposisjon.

Krav til forkunnskapar

Studenten skal kunne:

• vise eit høgt instrumentalt/vokalt (utøvarar) eller kompositorisk (komponistar) nivå.
• realisere og formidle sine kunstnariske intensjonar med ein tydeleg personleg profil.
• vise sjølvstende i møte med krevjande kunstnariske utfordringar
• bruke kunnskap til å utvide sitt eige musikalske perspektiv og gjennomføre sjølvstendig kunstnarisk utviklingsarbeid

Undervisning og omfang

Undervisninga er individuell rettleiing, fellesundervisning og/eller meisterklasse gjennom begge semestra.

I samråd med rettleiar i hovuddisiplin og programkoordinator skal studenten delta i utvalde utøvande/skapande fellestimar, fellesseminar, ensembleaktivitetar (orkesterpraksis, sinfonietta, kammerorkester m.m.) og prosjekt i instituttets regi. Det vil vera utarbeidd ein plan for dette ved oppstart av semesteret.

Obligatoriske arbeidskrav

All undervisning er obligatorisk. Fråvær på meir enn 20 % fører normalt til tap av eksamensrett. Godkjende obligatoriske arbeidskrav er gyldige i to semester etter ordinært eksamenssemester.

Vurderingsformer

Vurderingsform for utøvarar er ein offentleg eksamenskonsert med lengd på minst 70 minutt. Repertoaret for konserten vert utarbeidd i samråd med rettleiar i hovudinstrument. Repertoaret kan innehalde eitt verk frå tidlegare eksamen. Konserten skal lydfestast for dokumentasjon.

Vurderingsform for komponistar er framlegging av komposisjonar frå studiet, til saman minst 45 minutts varigheit i form av partitur eller liknande med lydopptak, og presentasjon av utvalde verk i ein offentleg eksamenskonsert. Konserten skal lydfestast for dokumentasjon.

Sensur: Minst to sensorar, der ein skal være ekstern.

Karakterskala

Greidd eller ikkje greidd

Undervisningsstad

Bergen

Emneevaluering

Jamleg evaluering skjer i dialog mellom lærar i hovuddisiplinen og studenten (eventuelt også med akkompagnatør).

Kontaktinformasjon

Griegakademiet ¿ Institutt for musikk. E-post: studierettleiar@grieg.uib.no