Norrønt språk

Mål og innhald

Målet med dette emnet er at studentane skal vere i stand til å lese og skjøne enkle norrøne prosatekstar med god grammatisk og leksikalsk innsikt.

Emnet gjev ei elementær innføring i norrønt språk gjennom grammatikkundervisning og lesing av normaliserte norrøne prosatekstar.

Læringsutbyte/resultat

Etter å ha studert emnet skal studentane forstå og kunne omsetje enkle norrøne prosatekstar ved hjelp av ordbok.

Undervisningssemester

Vårsemesteret

Undervisningsspråk

Norsk. Dansk og svensk kan og verte brukte i nokon grad.

Studienivå

Bachelor

Krav til studierett

Emnet er ope for alle med studierett ved Universitetet i Bergen.
Denne eksamenen er open for personar utan studierett, etter søknad til Det humanistiske fakultet.

Krav til forkunnskapar

Ingen.

Tilrådde forkunnskapar

EXFAC00SK Språk og kommunikasjon er tilrådd grunnlag.

Undervisning og omfang

Førelesingar: om lag 4 timar i veka i om lag 13 veker.

Kollokvium: om lag 2 timar i veka i om lag 13 veker.

I alt om lag 78 timar undervisning.

Om det melder seg færre enn fem studentar til eit emne kan instituttet innføre redusert undervisning, jamfør instituttets retningslinjer for dette på Mi side. På emne der dette kan verta aktuelt vil studentane få informasjon om det ved semesterstart og før semesterregistreringsfristen 1. februar/1. september.

Obligatoriske arbeidskrav

Ingen

Vurderingsformer

Eksamenen er ei skriftleg prøve på seks timar.

Studenten kan skrive på norsk, dansk eller svensk, eller eit anna språk etter avtale med faglæraren.

Det er høve til å bruke norrøn ordbok under eksamen.

Karakterskala

Det vert nytta bokstavkarakterar frå A til F, der F er stryk.

Læremiddelomtale

Pensum:

A. Grammatikk

Ein større norrøn grammatikk, t.d. Odd Einar Haugen, Grunnbok i norrønt språk, Oslo: Gyldendal Akademisk (1993 og seinare utgåver) eller Ragnvald Iversen, Norrøn grammatikk, Oslo: Tano (1973 og seinare opptrykk).

B. Tekstar på originalspråket

Eit utval på om lag 120 sider norrøn tekst med spreiing på ulike sjangrar, t.d.

1. "Saga Óláfs ins helga" kap. 112-13, 175-76, 187-246 i Heimskringla.

2. "Gylfaginning" i Snorres Edda, kap. 44-50.

3. "Tveggja elskanda ljóð" i Strengleikar.

4. Ei kort islendingesoge, Hrafnkels saga Freysgoða.

Av dette pensumet skal 30 sider lesast særleg nøye (kjernepensum). Eksamensoppgåvene vil bli tekne frå kjernepensumet.

Instituttet gjev framlegg til fullt spesifisert pensumliste. Det er høve til å skifte ut delar av pensumlitteraturen i samråd med faglærar.

Undervisningsstad

Bergen.

Emneevaluering

Emneevalueringar vert gjennomførte i tråd med UiB sitt kvalitetssikringssystem.

Kontaktinformasjon

Institutt for lingvistiske, litterære og estetiske studium

E-post: studierettleiar@lle.uib.no