Mål og innhald

Emnet tek opp tospråklegheit i Noreg og Norden frå eit sosiolingvistisk perspektiv, der tospråklegheitsfenomen både på individ og samfunnsnivå inngår.

Studenten får ei viss innsikt i den språklege variasjonen som finst i Noreg i dag, og ei forståing av den historiske bakgrunnen for han,

Men hovudfokuset for emnet er det moderne Noreg som eit fleirspråkleg samfunn, tilhøvet mellom den språklege majoriteten og språklege minoritetar i Noreg, og dessutan noko om norsk i kontakt med andre språk og framveksten av kontaktvarietetar.

Læringsutbyte/resultat

Etter å ha fullført emnet skal studenten kunne utøve profesjonen sin som språklærar ut frå ei kunnskapsbasert sosiolingvistisk referanseramme. Som språklærar skal han kunne sjå dei sosiolingvistiske perspektiva i elevane sin sosiale og kulturelle situasjon, både som rammevilkår for norsklæringa deira, og som grunnlag for og forståing av eigne observasjonar av måten elevane brukar det norske andrespråket sitt på.

Undervisningssemester

Haustsemesteret.

Emnet er under avvikling. Siste undervisningssemester var hausten 2013.

Har du spørsmål, ta kontakt på studierettleiar@lle.uib.no

Studienivå

Bachelor

Krav til studierett

Emnet er ope for alle med studierett ved Universitetet i Bergen.

Krav til forkunnskapar

Ingen

Tilrådde forkunnskapar

NORAN101, NORAN104

Undervisning og omfang

Undervisningstype og -mengd:

Førelesingar 2 timar i veka i om lag 13 veker.

Studentkollokvium med sporadisk lærartilsyn: 2 timar kvar fjortande dag.

Om det melder seg færre enn fem studentar til eit emne kan instituttet innføre redusert undervisning, jamfør instituttets retningslinjer for dette på Mi side. På emne der dette kan verta aktuelt vil studentane få informasjon om det ved semesterstart og før semesterregistreringsfristen 1. februar/1. september.

Obligatoriske arbeidskrav

Ingen.

Vurderingsformer

Eksamen er ei munnleg prøve.

Det vert arrangert eksamen tidleg i det undervisningsfrie semesteret.

Karakterskala

Det vert nytta bokstavkarakterar frå A til F, der F er stryk.

Læremiddelomtale

Pensumet er på ca. 500 sider av normal vanskegrad og vert fastsett av instituttet.

Undervisningsstad

Bergen

Emneevaluering

Emneevalueringar vert gjennomførte i tråd med UiB sitt kvalitetssikringssystem.