Mål og innhald

Emnet skal gje ei grundigare, djupare og meir teoretisk forankra innføring i utvalde temaområde innafor andrespråksfeltet enn det dei NORAN-emna studenten har studert på 100-nivå gjev høve til. Det førebur studenten til eit masterstudium med masteroppgåve i norsk som andrespråk.

Emnet femner om alle aspekt av det som fell under samleomgrepet andrespråkslingvistikk, og både språkstrukturelle, pragmatiske, læringsteoretiske, sosiolingvistiske og didaktiske problemstillingar kan verte handsama.

Kva for tema som blir fokusert og undervist i det einskilde semesteret, kan såleis ymse frå år til år.

Læringsutbyte/resultat

Etter å ha studert NORAN250, skal studentane ha tileigna seg så gode kunnskaper og slik grad av fagleg mognad at dei kan

• drøfte og resonnere kritisk rundt sentrale faglege problemstillingar som er handsama i undervisninga
• gje fagleg baserte råd til lærarar i norsk som andrespråk og andre om andrespråksrelaterte spørsmål.

Tilrådde forkunnskapar

NORAN101, NORAN104, NORAN115, NORAN117/NORAN107 og NORAN119/NORAN109 eller tilsvarande.

Undervisning og omfang

Om lag 26 timar førelesing, ev. kombinasjon av førelesings- og seminarform.

Rettleiing under skriving av semesteroppgåva.

Om det melder seg færre enn fem studentar til eit emne, kan instituttet innføre redusert undervisning, jamfør instituttets retningslinjer for dette på Mi side. På emne der dette kan verte aktuelt, vil studentane få informasjon om det ved semesterstart og før semesterregistreringsfristen 1. februar/1. september.

Obligatoriske arbeidskrav

Det er obligatorisk å levere utkast til semesteroppgåve og motta rettleiing etter dei reglane og innan dei fristane som den emneansvarlege fastset.

Godkjenning av obligatoriske arbeidskrav er gyldig berre i semesteret for godkjenninga.

Vurderingsformer

Semesteroppgåve på inntil 5000 ord, skriven under rettleiing, og munnleg prøve.

Det vert sett separate karakterar på eksamensdelane, og dei vert rekna om til éin endeleg karakter. Semesteroppgåva tel 60 % og den munnlege prøva 40 %. Studenten må stå på begge eksamensdelane i same semester for å stå på eksamenen.

Ved fastsetjinga av karakter vert det lagt vekt på både fagleg kunnskap, sjølvstendig og kritisk vurdering, evne til problemløysing og språkføring.

Ingen hjelpemiddel er tillatne ved den munnlege prøva.

Det vert ikkje arrangert eksamen i undervisningsfrie semester.