Norsk fagdidaktikk for master i undervisning

Mål og innhald

Emnet har som målsetjing å gi studentane eit fagleg grunnlag for den fagdidaktiske masteroppgåva og ei innføring i fagfeltet fagdidaktikk innanfor desse hovudområde:

• Norskfagleg sjølvforståing og danningshistorie
• Strategiar for språkkompetanse
• Det fleirkulturelle klasserommet
• Leseteori og litteraturundervisning
• Skriveteori og skriveopplæring

Læringsutbyte/resultat

Studentane skal:

• ha kunnskap om norskfaget si utvikling og kunne drøfte styringsdokument for norskfaget i høve til fagtradisjonar og fagutvikling
• kunne drøfte problemstillingar som gjeld vilkår for læring i norskfaget i høve til kulturelle mål for skulen og i høve til ulike kulturelle føresetnader i skulen
• ha kjennskap til teoriar om språk, språklæring og kommunikasjon.
• ha innsikt i språk, tekst og sjanger og kunne sjå desse i eit kulturperspektiv.
• Kunne undersøke læring i eige klasserom i norskundervisninga ved hjelp av fagkunnskap og fagdidaktisk teori og presentere refleksjon over dette skriftlig og munnleg.
• kunne vurdere læremiddel og arbeidsformer i norsk i høvet til alle dei ulike emna i skulefaget og kunne grunngje val og vurderingar i høve til eige fagsyn.
• kunne rettleie elevane i deira læringsprosessar på grunnlag av teoriar om språk, tekst og kultur, og kunne vurdere elevane sitt læringsutbytte.

Undervisningssemester

Haust. Tredje semester i Erfaringsbasert master i undervisning med fordjuping i norsk.

Undervisningsspråk

Norsk. Dansk og svensk kan og verte brukt.

Studienivå

Master.

Krav til studierett

Opptak til masterstudiet i undervisning med fordjuping i norsk ved Det humanistiske fakultet.

Tilrådde forkunnskapar

I tillegg til opptakskrava i sjølve studiet byggjer undervisninga på 200-nivået i nordisk språk og litteratur som her er dekt av emna NORMAU641 og NORMAU 642.

Undervisning og omfang

Ettersom studiet har eiga finansiering, er omfanget av undervisninga til ein kvar tid avhengig av tilførte midlar. Det omfanget som er omtalt her , kan difor verte redusert om finansieringa ikkje strekkjer til.

Det vert tre samlingar à to dagar i løpet av semesteret. I tillegg kjem om lag 24 timar nettbasert arbeid

Obligatoriske arbeidskrav

Frammøte til samlingane er obligatorisk.

For å kunne gå opp til eksamen i norsk fagdidaktikk må studentane ha gjennomført inntil 3 obligatoriske aktivitetar innan fastsette tidspunkt. Konkretisering av dei obligatoriske aktivitetane går fram av semesterplanen.

Rettleiing på semesteroppgåva er obligatorisk.

Vurderingsformer

Eksamensforma er rettleidd semesteroppgåve med oppgjeve tema, og oppgåva skal leverast innan tre veker etter at oppgåveteksten er utdelt. Rettleiing frå faglærar er obligatorisk. Semesteroppgåva skal ikkje vere lengre enn 5000 ord, litteraturliste og vedlegg ikkje medrekna. Nærare retningsliner for oppgåva vert gjevne i studiet.

Studenten vel målform for semesteroppgåva sjølv.

Rett og god språkføring vert vektlagd.

Karakterskala

Karakterskalaen A-F.

Læremiddelomtale

Pensum utgjer omlag 1000 sider av normal vanskegrad.

Institutt for lingvistiske, litterære og estetiske studium gir forslag om spesifisert pensumliste i emnet. Pensumlista kan justerast av studenten om det er ønskjeleg. Dersom studenten endrar pensumlista, må ho leverast innan ein frist som vert fastsett av instituttet, og ho må godkjennast av den emneansvarlege.

Undervisningsstad

Bergen, Internett.

Emneevaluering

Undervisninga blir evaluert i tråd med UiB sitt kvalitetssikringssystem.

Kontaktinformasjon

studierettleiar@lle.uib.no