Klinisk ernæring del 2

Mål og innhald

Ernæring til mor og barn. Psykiatri og nevrologi.

Ernæring til gravide og barn i alle aldrar under normale tilhøve og ved sjukdom. Psykiatri, inkludert spiseforstyrringar og psykosomatikk. Nevrologi.

Læringsutbyte/resultat

Kunnskap om ernæring til gravide kvinner, kva mors ernæring tyder for fosteret og spesielle tilhøve rundt ernæring ved sjukdom under svangerskapet.

Ernæringa sin innverknad på normal utvikling av barn, konsekvensar av amming og morsmjølkerstatning til spedbarn. Ernæring til ammande mødrer.

Betydinga av ernæring ved utvikling og behandling av overvekt og anorexia nervosa hos barn og ungdom.

Spesielle ernæringsbehov ved akutt og kronisk sjukdom hos barn og ungdom. Kunne rekne ut ernæringsbehov til friske og sjuke barn og ungdom samt ta kostanamnese.

Sondeernæring, gastrisk ernæring, Perkutan endoskopisk gastrostomi (PEG), Perkutan endoskopisk jejunostomi (PEJ) og total parenteral ernæring (TPN) til barn og ungdom.

Ernæring knytt til psykiatriske sjukdommar, med hovudfokus på spiseforstyrringar.

Nevrologiske sjukdommar; underernæring og spesielle ernæringsbehov ved nevrologisk sjukdom, slag, neurotraume, spinaltraume.

Læringskrav:

Studenten skal ha teoretisk kunnskap om ernæring til mor og barn og ungdom under normale tilhøve og ved sjukdom. Studenten skal kjenne dei vanlegaste sjukdomsgruppene under svangerskap og i oppveksten. Studenten skal kunne rekne ut behov for kaloriar og næringsstoff, og kjenne til spesialdiettar ved sjukdom. Studenten må ha sett i praksis dei vanlegaste formene for ernæring utanom oral ernæring. Må kunne samarbeide med ernæringsteam.

Undervisningssemester

Haust, 1.studieår.

Undervisningsspråk

Studienivå

Master

Krav til studierett

Opptak til masterprogram i klinisk ernæring

Krav til forkunnskapar

Kunnskap om ernæring til vaksne og generell ernæringskunnskap inklusive kunnskap om parenteral ernæring.

Undervisning og omfang

40 timar førelesningar, 20 timar kliniske demonstrasjonar, postteneste og poliklinikkteneste, og 10 timar gruppearbeid. Emnet blir avslutta med eksamen

Obligatoriske arbeidskrav

Gruppearbeid, postteneste, poliklinikkteneste, kliniske demonstrasjonar, deltaking i møter med ernæringsteam og eksamen vil vera obligatorisk.

Vurderingsformer

Skriftleg evaluering der resultata vil bli diskutert ved terminens slutt.

Læremiddelomtale

Aktuelle kapittel i Krause´s food, nutrition, & diet therapy, og Shaw S: Clinical paediatric dietetics.
Markestad: Klinisk Pediatri
Retningslinjer for kostholdet i helseinstitusjoner, HOD.
Artiklar frå tidsskrift.
Abstrakt eller kopi av førelesningar vil bli lagt ut på studentportalen.

Emneevaluering

I samband med instituttet sitt kontinuerlege arbeid for å forbetra studiet blir det jamleg organisert studentevaluering av studieopplegg og undervisning, med tilbakemelding til studentane. Evalueringsresultata vil liggje til grunn for revisjonar av studieplanar, pensum og studie-/undervisningsopplegg.

Kontaktinformasjon

studie@kliniskmedisin.uib.no