Mål og innhald

Siktemålet er at studentane utviklar djupare forståing for ulike kunnskapsformer og korleis kunnskap utviklast og delast i ulike kontekstar. Emnet vil ha fokus på kunnskapsprosessar i og utanfor utdanningsinstitusjonar, organisasjonar og arbeidsliv, og ved hjelp av teknologi. Studentane skal også få forståing for samanhengen mellom språk, makt, kunnskap og læring. Vidare vil emnet gje innsikt i aktuelle utdanningspolitiske og utdanningssosiologiske problemstillingar.

Læringsutbyte/resultat

Studenten skal:

• ha inngåande kunnskap om og kunne analysere kunnskapsomgrepet, ulike kunnskapsformer og korleis kunnskap kan utviklast og deles i ulike kontekster.
• ha inngåande kunnskap om ulike måtar å forstå samanhengen mellom kunnskap, læring, makt og språk.
• ha inngåande kunnskap om og kunne diskutere forholdet mellom relasjonelle, dialogiske, kollektive og samspelsorienterte tilnærmingsmåtar og meir individorienterte tilnærmingsmåtar til kunnskapsutvikling og kunnskapsdeling.
• Kunne kritisk analysere sentrale utviklings- og utdanningspolitiske trekk ved dagens samfunn og diskutere moglege implikasjonar for utdanning, danning og kunnskapsutvikling.
• kunne analysere, drøfte og kritisk reflektere over faglege, praktiske og etiske konsekvensar som ulike syn på kunnskap, læring, makt og språk har for utdanning og anna pedagogisk verksemd på ulike læringsarenaer og ved bruk av digital teknologi.
• beherske ulike akademiske skriftlige framstillingsmåtar
• kunne gje faglege og konstruktive tilbakemeldingar på andre studentars tekster.

Undervisningssemester

Vår.

Eksamenssemester

Vår.

Studienivå

Master.

Institutt

Institutt for pedagogikk.

Krav til studierett

Emnet er ope for alle med studierett på masterprogram i pedagogikk, IKT-basert.

Krav til forkunnskapar

Ingen.

Undervisning og omfang

Emnet kombinerer oppgåveskriving, nettbaserte seminar og rettleiing med litteraturstudiar.

Obligatoriske arbeidskrav

Tekstar produsert gjennom semesteret skal nyttast til mappe som vurderas som eksamen.

Vurderingsformer

Mappevurdering. Detaljer om krav til innhald i mappa vil bli gjort kjend for studentane ved semesterstart. Mappa vurderast som heilheit.

Karakterskala

Ved sensur av emnet nyttast karakterskalaen A-F.

Læremiddelomtale

Litteraturlista er på 1000 sider (+/- 10 %). Delar av litteraturen kan vere tilgjengeleg i form av eit kompendium. Litteraturen tek sikte på å dekka tema som:

• kunnskapsomgrepet og ulike kunnskapsformer
• kunnskap, læring, språk, makt
• kunnskap, utdanning, danning og samfunn
• kunnskap og digital teknologi

Undervisningsstad

Studiet er nettbasert, men i starten av kvart semester blir det vanlegvis arrangert ei samling i Bergen.

Emneevaluering

Studentane skal evaluere undervisninga i tråd med UiB sitt kvalitetssikringssystem.