Mål og innhald

Innan dei humanistiske faga står mennesket i sentrum og ein studerer korleis mennesket kommuniserer, kva mennesket tek seg til og kva det omgir seg med. I dette emnet skal vi sjå nærmare på metodiske tilnærmingar innan dei humanistiske faga arkeologi, historie, kultur- og religionsvitskap men òg samfunnsvitskaplege metodar og teoretiske tilnærmingar vil inngå i emnet

Emnet legg vekt på innføring i humanistiske og samfunnsvitskaplege metodar knytt til forskingsprosjekt slik som til dømes ei masteroppgåve. Emnet vil styrke studentane sine kunnskapar om akademiske læreformer, som innan denne fagkrinsen særlig vil seie kjelde- og dokumentanalyse (historie), arkeologiske metodar (til dømes arkeologiske utgravingar og funnanalysar), tekstanalysar og feltarbeid og intervju som datainnsamling (religions- og kulturvitskap) og kvalitative og kvantitative metodar nytta innan samfunnsfaga.

Læringsutbyte/resultat

Kunnskap: Emnet skal gje studenten auka innsikt i og forståing for eiga læring og gode kunnskapar om metodiske tilnærmingar og teoretiske grep nytta innanfor dei humanistiske og samfunnsvitskaplege faga.

Ferdigheiter: Studenten skal vise evne til å reflekterer over eiga læring og kunne demonstrere ferdigheiter i å nytte metodar og teoriar i eit forskingsprosjekt.

Generell kompetanse: Studenten skal vise evne til å reflektere, argumentere og dokumentere akademisk.

Undervisningssemester

Haust

Institutt

Institutt for arkeologi, historie, kultur- og religionsvitskap

Krav til studierett

Opptak til masterprogrammet i Region og regionalisering.

Krav til forkunnskapar

Ingen

Fagleg overlapp

Ingen

Undervisning og omfang

Forelesingar og individuell rettleiing.

Obligatoriske arbeidskrav

Det er obligatorisk frammøte til 70 % av undervisninga. Rettleiing og levering av minst eitt utkast til prosjektskisse.

Vurderingsformer

Innlevering av prosjektskisse på om lag 4000 ord.

Karakterskala

Greidd/ikkje greidd

Læremiddelomtale

Studenten legg opp eit sjølvvalt pensum på om lag 1000 sider.

Undervisningsstad

Bergen

Emneevaluering

Studentane vil med jamne mellomrom bli bedne om å evaluera emnet.