Mål og innhald

Studenten skal gjennom studiet tileigna seg utdjupa kunnskapar om religionar og religiøsitet sett frå kognitive og evolusjonsteoretiske perspektiv. Studentane skal utvikle kjennskap til sentrale metodar samt viktige teoriar om:

- kvifor menneske trur på gudar

- religion som evolusjonær tilpassing eller bi-produkt

- kognitive aspekt i ritual

- sammanhengen mellom religion og minne

- antropomorfisering i religion

- dødsførestellingar

Læringsutbyte/resultat

Ved fullført studium har studenten oppnådd følgjande:

Kunnskapar

- kunne gjere greie for viktige teoretiske tilnærmingar og modellar i studiet av religion

- kjennskap til sentrale omgrep, perspektiv og metodar i det kognitivistiske og evolusjonsteoretiske studiet av religion

Ferdigheiter

- evne til å analysere fagstoff og trekkje eigne slutningar

- erfaring med å formidle informasjon, teoriar, idear, problemstillingar og løysingar om emnet både skriftleg og munnleg

- evne til å skriva ein resonnerande tekst

Generell kompetanse

Evne til å skaffe seg informasjon på eiga hand, til å vurdere han kritisk og vitskapleg og til å bringe han vidare til andre på forståeleg vis.

Undervisningssemester

Vår

Studienivå

Bachelor

Institutt

Institutt for arkeologi, historie, kultur- og religionsvitskap (AHKR)

Krav til studierett

Emnet er ope for alle studentar med studierett ved Universitetet i Bergen.

Krav til forkunnskapar

Ingen

Tilrådde forkunnskapar

Grunnleggjande kunnskapar i religionsvitskap tilsvarande RELV101.

Mykje av pensumlitteraturen er på engelsk. Studenten bør difor ha gode engelskkunnskapar.

Fagleg overlapp

RELV312

Undervisning og omfang

Normalt 12 forelesingar à to timar pr veke, totalt 24 timar.

Obligatoriske arbeidskrav

Studenten skal utforme og presentere ei tenkt prosjektskisse (1-2 sider) som inkluderer ei problemstilling, teori- og metodeval og forskningsetiske refleksjonar.

Obligatoriske krav er gyldige i to semester etter det undervisningssemesteret dei vart godkjende.

Karakterskala

I vurderinga vert det nytta ein gradert karakterskala frå A til F, der F er ikkje bestått.

Undervisningsstad

Bergen

Emneevaluering

I samband med instituttet sitt kontinuerlege arbeid for å forbetre studiet vert det organisert studentevaluering av studieopplegg og undevisning, med tilbakemelding til studentane. Evalueringsresultata vil liggje til grunn for revisjonar av studieplanar, pensum og studie-/undervisningsopplegg.