Mål og innhald

Studenten skal gjennom studiet tileigna seg grundige kunnskapar om norsk kristendom. Den historiske utviklinga frå trusskiftet på 1000-talet til i dag står i sentrum. Det blir og lagt vekt på kvinnesynet i Den norske kyrkja, regional religiøs variasjon og kyrkjelege spenningar.

Læringsutbyte/resultat

Ved fullført studium har studenten oppnådd følgjande:

Kunnskapar

- fordjupa kunnskapar om den historiske utviklinga av norsk kristendom og framveksten av ulike tolkingar og retningar

- gode kunnskapar særskilt om trusskiftet, mellomalderkristendommen, reformasjonen, den lutherske statskyrkja, lekmannsrørsla, og endringar i kvinnesynet som tillet kvinner å bli prestar og misjonærar

- kjennskap til sentrale tekstar, retningar og personar i norsk kristendom

Ferdigheiter

- evne til å analysera fagstoff og trekkje eigne slutningar

- erfaring med å formidla informasjon, teoriar, idear og problemstillingar knytt til emnet både skriftleg og munnleg

- evne til å skriva ein resonnerande tekst

Generell kompetanse

- forståing av kristendommen sin plass i det norske samfunnet

- evne til å vurdere informasjon kritisk og vitskapleg og til å formidle kunnskap på forståeleg vis

Undervisningssemester

Haust. NB. Emnet tilbys ikkje haust 2014.

Studienivå

Bachelornivå

Institutt

Institutt for arkeologi, historie, kultur- og religionsvitskap (AHKR)

Krav til studierett

Emnet er ope for alle med studierett ved Universitetet i Bergen.

Krav til forkunnskapar

Ingen

Tilrådde forkunnskapar

Grunnleggjande kunnskapar i kristendom som tilsvarar RELV 102.

Fagleg overlapp

RELV326

Undervisning og omfang

Normalt 10 forelesingar à to timar pr veke, totalt 20 timar.

Obligatoriske arbeidskrav

Ingen

Karakterskala

I vurderinga vert det nytta ein gradert karakterskala frå A til F, der F er ikkje bestått.

Undervisningsstad

Bergen

Emneevaluering

Emnet vert evaluert jamleg.