Mål og innhald

I sosialantropologien er det sentralt å forstå korleis menneske lever i samspel med sine romlege og materielle omgjevnader. Med utgangspunkt i den globale variasjonen i menneskelege levevis søkjer emnet å gje ei samanliknande innsikt i korleis romlege og materielle vilkår formar og vert forma av samfunn og kultur. Det vert gjort greie for sosialantropologiske perspektiv på økologi, økonomi, ting, stad og rom. Samanhengen mellom det materielle og det sosiokulturelle vert tematisert gjennom diskusjonar av dimensjonar som landskap, stadleggjering og kropp, produksjonsregime, teknologi, miljø og ressursforvaltning, gåvebytte, marknad og konsum. Det vert lagt vekt på å få fram det sosiale og kulturelle mangfaldet i lokale levevis verda over, men òg korleis desse er involvert i større samanhengar prega av modernisering og globalisering, pengemarknad og inkorporering i statlege og overstatlege styringsformer.

Læringsutbyte/resultat

Etter å ha avsluttet emnet skal studenten kunne:

• Gje ei oversikt over sentrale debattar i sosialantropologiske studiar av økologi, økonomi, ting, stad og rom, med vekt på korleis materielle vilkår pregar utforminga av menneskelege levevis verda over.
• Gjere greie for samanhengar mellom materielle vilkår, sosial organisering og kulturell meining.
• Gjere bruk av omgrep og perspektiv som er nyttige i analysen av materielle dimensjonar i menneskeleg verksemd.
• Diskutera relevansen av materielle tilhøve i utforminga av sosialt liv.

Undervisningssemester

Vår

Eksamenssemester

Undervisningssemesteret og påfølgjande semester

Institutt

Institutt for sosialantropologi

Krav til studierett

Emnet er ope for studentar ved UiB.

Krav til forkunnskapar

Ingen

Tilrådde forkunnskapar

SANT100

Undervisning og omfang

Førelesingar, litteraturseminar og kommentarar til arbeid med skriftlege oppgåver via internett

3-4 timer førelesing pr veke

7-8 veker

Ca. 26 timer førelesing

Obligatoriske arbeidskrav

Oppgåveinnlevering undervegs (må vere godkjent for å kunne gå opp til eksamen, oppgåva er gyldig i to semester).

Vurderingsformer

Skuleeksamen 8 timer

Karakterskala

Emnet vert karaktersett med bokstavkarakterar A-F

Emneevaluering

En tredjedel av alle emne evaluerast kvart undervisningssemester via Mi Side