Mål og innhald

Emnet tek opp metodiske og kunnskapsteoretiske områder i faget. Det går inn på aktuelle og sentrale problemstillingar, og tek opp teoridanning og debattar med ei primær målsetjing om å utvikle studentane sine eigne forskingsferdigheiter. Emnet gjev eit kritisk inntak til antropologisk forskingspraksis og kunnskapsproduk-sjon: deltakande observasjon og feltarbeid, produksjon og handsaming av data, framstelling og analyse av empirisk materiale, og argument-utforming. Det viser analytiske framgangsmåtar ved bruk av aktuelle teoretiske perspektiv til konkrete forskingsformål, der faget sitt sentrale heilskapsperspektiv på samfunn og kultur vert teke vare på. 

Læringsutbyte/resultat

Etter å ha avslutta emnet skal studenten kunne:

• Gjere greie for antropologisk feltmetode og oppdagingsprosedyrar.
• Reflektere over grunnleggjande etiske problemstillingar som antropologiske studiar aktualiserer i felt og i skrift.
• Gjere greie for det særeigne tilhøvet mellom observasjon, data og analyse i sosialantropologi.
• Nytte ulike teoretiske perspektiv på eit variert empirisk materiale.
• Innta sjølvstendige faglege posisjonar og forhalde seg reflektert til dei mest sentrale antropologiske omgrepa faget nyttar.

Undervisningssemester

Haust

Eksamenssemester

Haust og vår

Studienivå

Master

Krav til studierett

Emnet er ope for studentar på masterprogrammet i sosialantropologi.

Krav til forkunnskapar

Bachelor i sosialantropologi eller andre godkjende bachelorgrader med fordjuping i sosialantropologi

Fagleg overlapp

Nei

Undervisning og omfang

Førelesingar og seminar

2-8 timer per veke

12 veker

40-60 timer totalt

Obligatoriske arbeidskrav

Essay som vert lagt fram til munnleg drøfting plenum etter avtale med emneansvarlig (må vera godkjend for å kunne gå opp til eksamen).

Vurderingsformer

8 timar skuleeksamen

Karakterskala

Karakterskala A-F

Emneevaluering

En tredjedel av alle emne evaluerast kvart undervisningssemester via Mi Side