Mål og innhald

SANT320 vidarefører forskingsprosjektet som er planlagt og skissert i SANT302. Emnet føreset sjølvstendig arbeid under individuell rettleiing og skal setje studenten i stand til å skrive ei masteroppgåve basert på eige forskingsmateriale, som studenten samlar inn i løpet av sitt andre semester. Studenten har plikt til å skrive minst ein fagleg framdriftsrapport (feltrapport) som rettleiar skal kommentere skriftleg og godkjenne. Feltrapporten skal leverast midtveis i feltarbeidsperioden. Den skal innehalde foreløpige funn, refleksjonar over funna, eventuelle praktiske og metodiske problem studenten møter, samt arbeidshypoteser og planar for resten av feltarbeidet. Rettleiar skal snarast, og seinast innan to veker gje si tilbakemelding. 

Læringsutbyte/resultat

Etter å ha avslutta emnet skal studenten kunne:

• Tileigne seg kunnskap om andre livsverder ved å ta i bruk antropologisk feltmetodologi der deltakande observasjon er sentral.
• Omgåast og kommunisere godt med menneske som har ulik sosio-kulturell bakgrunn.
• Ha nok empirisk materiale til å skrive ei etnografisk forankra analyse av eit sosialt og kulturelt univers.
• Skifte perspektiv og stille nye spørsmål i ljos av ny kunnskap.

Undervisningssemester

Vår og haust

Eksamenssemester

Vår/haust

Studienivå

Master

Krav til studierett

Emnet er reservert studentar på masterprogrammet i sosialantropologi

Krav til forkunnskapar

SANT301 og 302 (SANT302 kan avsluttast same semester som SANT320)

Fagleg overlapp

Ingen

Undervisning og omfang

Deltakende observasjon under individuell rettleiing.

Obligatoriske arbeidskrav

Sjølvstendig forskningsarbeid. Innlevering av minst ein skriftleg rapport under feltarbeid.

Vurderingsformer

Innlevering av feltrapport (godkjent/ikkje godkjent).

Karakterskala

Bestått/ikkje bestått

Emneevaluering

En tredjedel av alle emne evaluerast kvart undervisningssemester via Mi Side.