Mål og innhald

SPLA201 er eit fordjupingsemne i spansk språk på 15 studiepoeng. Grammatikk, med særleg vekt på latinamerikanske variantar, blir gitt kvart undervisningssemester. Semantikk, pragmatikk, dialektologi, målsoge eller omsetjingsteori vil rullera mellom dei ulike semestra.

Læringsutbyte/resultat

Ved fullført emne skal studenten

• ha gode kunnskapar i spansk, samt djupare innsikt i nokre utvalde emne relaterte til spansk grammatikk (morfologi, syntaks og pragmatikk).
• vera i stand til å analysera spansk språkstruktur og gjera greie for spanske grammatiske emne.
• ha fått djupare innsikt i språkvitskapleg teori og metode.
• ha kunnskap om ulike variantar innanfor spansk språk.

Undervisningssemester

Vår

Studienivå

Bachelor

Krav til studierett

Emnet er ope for alle med studierett ved UiB.

Personar utan studierett kan søkja Det humanistiske fakultet om å få gå opp til særskild eksamen.

Krav til forkunnskapar

Ingen formelle krav, men all undervisning skjer på spansk og baserer seg på spanskkunnskapar som svarar til emna på 100-nivå i spansk språk og latinamerikastudium.  

Tilrådde forkunnskapar

SPLA201 baserer seg på spanskkunnskapar som svarar til emna på 100-nivå i spansk språk og latinamerikastudium. Undervisninga byggjer vidare på SPLA101.

Fagleg overlapp

SPLA251 (100 %), SLAN640

Undervisning og omfang

Undervisninga er samansett av førelesingar, seminar og gruppeøvingar. Det blir gitt grammatikkførelesingar to timar i veka i 12 veker, førelesingar i El español de América to timar i veka i 12 veker og gruppeøvingar to timar i veka i seks veker. Studentane lyt ta aktivt del i seminara og gruppeøvingane, mellom anna med skriftlege oppgåver og munnlege innleiingar. Undervisninga går saman med SPLA251.

Obligatoriske arbeidskrav

Ingen

Vurderingsformer

Vurderingsforma er ein 6-timars skriftleg skoleeksamen med oppgåver frå båe pensumdelar. Dei to oppgåvene veg likt når karakteren blir sett. For at studenten skal få ståkarakter i emnet må oppgåver frå begge pensumdelar vera vurderte til ståkarakter.

Ein skal svara på eksamen på spansk. Ved karakterfastsetjinga blir både den språklege dugleiken og det faglege innhaldet vurderte.

Studentane kan på eksamensdagen nytta eitt språkleg og tospråkleg (t.d. norsk-spansk/spansk-norsk) ordbok godkjend av instituttet. Studentane må sjølve ta med ordbøker til eksamen, og halda seg orienterte om og retta seg etter reglane som gjeld for kontroll av ordbøkene.

Karakterskala

Ved sensur av emnet nyttar ein karakterskalaen A-F, der F er stryk.

Læremiddelomtale

Fast pensum er

• Nueva gramática de la lengua española. MANUAL. Asociación de las Academias de la lengua española. (MNGLE)
• Quesada Pacheco, M.: El Español de América (EdA)

Undervisningsstad

Bergen

Emneevaluering

Undervisninga blir evaluert i tråd med UiB sitt kvalitetssikringssystem.