Mål og innhald

Emnet er eit praksisbasert sjølvstudium i eit sjølvvalt tema. Emnet består av to delar: ein praksisdel og ei skriftleg oppgåve.

Praksisdelen skal bestå av inntil 4 normalarbeidsveker (ca. 150 timer) fordelt på ein eller fleire praksisperiodar hos produserande profesjonelle scenekunstinstitusjonar eller frie profesjonelle grupper, produserande/turnearrangerande offentleg forvaltning eller andre teaterinstitusjonar godkjent av fagmiljøet.

Praksis skal ligge nær kunstnariske produksjonsprosessar, og kan ha form av observasjon av til dømes prøver eller personassistanse av kunstnariske funksjonar som regissør, dramaturg, scenograf eller administrative funksjonar som produsent.

Det er forventa at studenten sjølv er aktiv i å skaffe seg praksisplass. Emneansvarleg kan hjelpe med å etablere kontakt med mogleg praksisplass, men studenten kan ikkje krevje å verte tildelt praksisplass.

Innhaldet i praksisperioden definerast i ein kontrakt som skal signerast av studenten, emneansvarleg og praksisplassen v/kontaktperson.

Bacheloroppgåva skal vere på ca. 12-15 sider (maksimum 8000 ord). Oppgåva skal bestå i ei analytisk eller teoretisk behandling av materiale og erfaringar frå praksisperioden.

Formålet med emnet er å auke forståinga for tilhøvet mellom teaterpraksis og teori gjennom å øve opp kjennskap til og å gjere seg fortruleg med ein produksjonskontekst for scenekunst samt å øve opp evna til vitskapleg framstelling basert på empirisk materiale og praksiserfaring.

Læringsutbyte/resultat

Etter fullført emne skal studentane ha tileigna seg kunnskapar om produksjon og/eller formidling av scenekunst. Vidare skal studentane ha tileigna seg kompetanse i teoretisk og analytisk behandling av materiale og erfaringar frå teaterpraksis.

Undervisningssemester

Haust/vår

Studienivå

Bachelor

Krav til studierett

Emnet er ope for alle med studierett ved Universitetet i Bergen.

Krav til forkunnskapar

Studenten skal ha avlagt eksamen i emna TEAT112 Moderne teaterhistorie og analyse av teaterframsyningar og TEAT114 Skodespelarkunst, scenografi og teaterkritikk.

Tilrådde forkunnskapar

Ingen.

Undervisning og omfang

Undervisninga blir gitt i form av oppgåveseminar og individuell rettleiing.

Obligatoriske arbeidskrav

Studenten har 3 obligatoriske aktivitetar:

1) Å delta på introduksjons- og metodekurs (felles med TEAT252)

2) Å legge fram utkast til oppgåva på oppgåveseminar (felles med TEAT 252)

3) Å levere oppgåva til rettleiar og få minst ei individuell rettleiing.

Obligatoriske undervisningsaktivitetar og gjennomført praksis er gyldige i to semester etter det undervisningssemesteret dei vart godkjende.

Vurderingsformer

Rettleid semesteroppgåve. Eksamen er ei vurdering av den skriftlege oppgåva.

Godkjent praksisdel er ein føresetnad for å ta eksamen. Praksisdelen blir vurdert som godkjent når kontraktvilkåra for praksis er oppfylde.

Karakterskala

Karakterskala A-F.

Læremiddelomtale

Emnet har eit sjølvvald pensum på minimum 700 sider som studenten vel i samråd med faglærar. Pensum må omfatte litteratur som er nødvendig for å skrive oppgåva.

Undervisningsstad

Bergen.

Emneevaluering

Evaluering av tilbodet vert gjennomført i tråd med Universitetet i Bergen sitt kvalitetssikringssystem.