Årsmelding for IT-avdelinga 2001
Organisasjon
- Den nye organisasjonsplanen vart implementert ved årsskiftet 2000/2001.
- Avdelinga disponerte ved utgangen av 2001 42.2 årsverk. Ved at ELINE vart fullt integrert i IT-avdelinga frå 1. jan. 2002 er ein stilling frå UB og ein frå Informasjons-avdelinga overførde til IT-avdelinga. Ein medarbeidar i telefonekspedisjonen har slutta (pensjonist) i 2001.
- To godt kvalifiserte personar er tilsette i 2001 i ledige stillingar i Seksjon for Nettverk og Seksjon for Servardrift.
- Det er gjennomført medarbeidarsamtaler.
Utviklingsprosjekt
- SEBRA: Det er sett i gang eit omfattande prosjekt for Sentral BrukarAdministrasjon, der den endelege målsettinga er å administrera tilgang til ressursar i UiB-nett og sentrale servarar gjennom ein sentral brukardatabase. Ein slik database er også ein føresetnad for å sikra trygg kommunikasjon innan UoH-sektoren.
- Dokumentasjon: Logge- og backup-tenester er dokumenterte og dokumentasjon av rutinar og prosedyrar for ulike driftsoppgåver er under arbeid. Ein er også igang med ein risikoanalyse av dei systema som skal flyttast til BT-bygget, for å redusera sjansane for uhell under flyttinga.
Samarbeid
- Det er gjennomført tre IT-Forum, eitt over to dagar på Marsteinen hotell i vårsemesteret og to ettermiddagsseminar i haustsemesteret. Møta har hatt god deltaking og har ført til auka kontakt og samarbeid mellom IT-driftsmiljøa ved UiB. På Marsteinen deltok også representantar for UiO, NHH og HiB.
- IT-direktøren har hatt eitt møte med alle fakultetsdirektørane og det har dessutan vore møte mellom IT-avdelinga og det einskilde fakultet. Dette har auka forståinga for at ein kan oppnå rasjonaliseringsgevinstar ved å føreta endringar i arbeids- og ansvarsdeling sentralt/lokalt.
- På nasjonalt plan er det i gang uformelle samtalar mellom IT-direktørane ved dei fire norske universiteta med sikte på utvida samarbeid.
Nettverk
- Telefonsentralen er oppgradert med ny programvare som aukar effektiviteten til ekspedientane.
- Det er inngått avtalar om nettverksamarbeid med Song og ElTeleVest.
- Gjennom avtale med NextGenTel har studentar og tilsette fått tilbod om breiband via telefon-nettet for ein gunstig pris.
- Gjennom ny fiberforbindelse mellom HIB og BT-bygget er det lagt eit solid grunnlag for flytting/oppgradering av sentrale nettverkskomponentar.
Servardrift
Det er investert om lag 4 millionar i fornying av utstyrsparken, som vil sikra meir stabil drift og utviding av tenestetilbodet. Av større utstyrsinvesteringar kan ein nemna
- Utskifting av utstyr for tryggingskopiering
- SEBRA-servar
- Nytt anlegg (NAS = Network Attached Storage) for datalagring
- To nye servarar til eposttenesta ved IT-avdelinga.
Dessutan er det føretatt oppgradering av den sentrale vevservaren (www.uib.no) ved hjelp av resirkulasjon av gamal epostservar. I tillegg har vevservaren fått auka prosessor- og lagringskapasitet. I neste omgang er proxyservar/webcache oppgradert ved resirkulasjon av gamal vevservar.
CA-avtala er reforhandla. Diverre har CA gått bort frå tidlegare muntlege lovnader, men i praksis vil avtala likevel dekka dei fleste behova til UiB. Havforskningsinstituttet har gått med på å betala 1/3 av dei årlege lisensutgiftene.
Klientdrift
- Drift og brukarstøtte-opplegget mot fakultetsadministrasjonane er teke i bruk ved administrasjonen ved Matematisk institutt. Erfaringane er positive.
- Ved sentrale innkjøpsavtalar reduserer ein kostnadene ved utskifting av klientutstyr samstundes som ein standardiserer utstyret.
- Seksjonen har teke inn ein lærling
Databasedrift
- Det er utvikla automatisk overføringsrutine frå SLP til SEBRA.
- Ny fleirmodul StudWeb er testa og implementert. Det nye systemet er ressurskrevande og komplisert så det trengst nytt utstyr, auka kompetanse og betre dokumenterte driftsrutinar.
- Det er implementert ei rekke endringar i test- og produksjonsmiljøa for OF.
- Fleire nye databasar er installert.
- IT-avdelinga driftar e-læringsystema Luvit og Boxer. Det siste
systemet vil i fyrste omgang bli nytta som inngangsport til undervisningsopplegget
for Datakortet.
