Masterprogram i fransk

Oppstart

Haust

Det kan bli aktuelt å ta opp studentar også til vårsemesteret. Ta kontakt for informasjon.

Graden

Dette masterprogrammet fører fram til graden master i fransk. Studiet er toårig (120 studiepoeng).

Mål og innhald

Fransk masterstudium har som mål å gje kunnskapar på høgt nivå i fransk språk og franskspråkleg litteratur samstundes som det skal gje stor dugleik i munnleg og skriftleg bruk av moderne fransk. Masterstudiet siktar dessutan mot å utvikla ei kritisk og sjølvstendig haldning til problem og metodar innan dei vitskaplege disiplinane i faget.

Fransk masterstudium (120 studiepoeng) inneheld fem emne:

FRAN305/ Teoretiske retningar i språk- og litteraturvitskap etter 1900 (15 stp)

FRAN302/Grammatikk, omsetjing og litteratur (15 stp) eller FRAN306/ Grammatikk, didaktikk og litteratur

FRAN303 Seminaremne I, språkleg eller litterært (15 stp)

FRAN304/ Seminaremne, språkleg eller litterært II (15 stp)

FRAN350/Masteroppgåve i fransk (60 stp)

Emna kan delast inn i tre delar:

- ein basisdel på 30 studiepoeng (FRAN305 og FRAN302 eller FRAN306)

- ein spesialdel på 30 studiepoeng (FRAN303 og FRAN304)

- masteroppgåva på 60 studiepoeng (FRAN350)

Når det gjeld dei to emna i spesialdelen, kan ein velja å gje dei eit lingvistisk og/eller litteraturvitskapleg innhald

Fagleg profil

Ved instituttet blir det drive forsking innanfor fransk språk, litteratur, kultur og fagdidaktikk, samt i gråsona mellom litteraturvitskap, kultur- og samfunnsvitskap.

Masteroppgåve

Masteroppgåva skal skrivast på fransk og er ei prøve på vitskapleg arbeid innanfor fransk språk, litteratur, kultur eller fagdidaktikk. Omfanget av oppgåva er normalt 70-110 sider. Du får individuell rettleiing i arbeidet.

Metode

I arbeidet med masteroppgåva skal du på sjølvstendig vis ta i bruk metodar og vitskaplege arbeidsteknikkar frå fagområdet du arbeider med.

Oppstart

Haust

Det kan bli aktuelt å ta opp studentar også til vårsemesteret. Ta kontakt for informasjon.

Opptakskrav

Bachelor- eller Cand.mag.-grad med spesialisering (90 studiepoeng) i fransk, eller liknande utdanning. Om kandidaten har studert ved ein lærestad som har krav om minimum 80 studiepoeng med spesialisering/fordjuping, vil dette bli akseptert som opptaksgrunnlag.

Studentar som ønskjer å søkja opptak til masterprogram i fransk på anna grunnlag enn det som er oppgjeve å vera godkjend spesialisering i faget (sjå studieplanen for fransk), må søkja om godkjenning på førehand, seinast innan 15. mars. Slike søknader må innehalda karakterutskrift/vitnemål, pensumliste og utgreiing om dei emna søkjaren meiner skal koma i staden for ei ordinær spesialisering. Ei eventuell godkjenning må leggjast ved søknaden til masterprogrammet.

Kven kan søkje

Du søkjer opptak til Det humanistiske fakultet. Meir informasjon om opptak og søknadsprosedyrar finn du her:

http://www.uib.no/hf/utdanning/opptak/opptak-til-masterstudium-ved-det-humanistiske-fakultet.

Poenggrense ved siste opptak

Bachelor- eller Cand.mag.-grad med spesialisering (90 studiepoeng) i fransk, eller liknande utdanning.

Studentar som ønskjer å søkja opptak til masterprogram i fransk på anna grunnlag enn det som er oppgjeve å vera godkjend spesialisering i faget (sjå studieplanen for fransk), må søkja om godkjenning på førehand, seinast innan 1. mai. Slike søknader må innehalda karakterutskrift/vitnemål, pensumliste og utgreiing om dei emna søkjaren meiner skal koma i staden for ei ordinær spesialisering. Ei eventuell godkjenning må leggjast ved søknaden til masterprogrammet.

Delstudium i utlandet

Studentane kan reisa på utveksling og ta emne tilsvarande FRAN303 og/eller FRAN304 i utlandet. Det er òg høve til å reisa på feltarbeid i samband med masteroppgåva.

Meir infomasjon

studierettleiar@if.uib.no

Mål og innhald

Fransk masterstudium har som mål å gje kunnskapar på høgt nivå i fransk språk og franskspråkleg litteratur samstundes som det skal gje stor dugleik i munnleg og skriftleg bruk av moderne fransk. Masterstudiet siktar dessutan mot å utvikla ei kritisk og sjølvstendig haldning til problem og metodar innan dei vitskaplege disiplinane i faget.

Fransk masterstudium (120 studiepoeng) inneheld fem emne:

FRAN305/ Teoretiske retningar i språk- og litteraturvitskap etter 1900 (15 stp)

FRAN302/Grammatikk, omsetjing og litteratur (15 stp) eller FRAN306/ Grammatikk, didaktikk og litteratur

FRAN303 Seminaremne I, språkleg eller litterært (15 stp)

FRAN304/ Seminaremne, språkleg eller litterært II (15 stp)

FRAN350/Masteroppgåve i fransk (60 stp)

Emna kan delast inn i tre delar:

- ein basisdel på 30 studiepoeng (FRAN305 og FRAN302 eller FRAN306)

- ein spesialdel på 30 studiepoeng (FRAN303 og FRAN304)

- masteroppgåva på 60 studiepoeng (FRAN350)

Når det gjeld dei to emna i spesialdelen, kan ein velja å gje dei eit lingvistisk og/eller litteraturvitskapleg innhald

Læringsutbyte

Ved fullført Mastergrad i fransk skal studentane

Kunnskap:

• ha brei generell kunnskap innanfor disiplinane fransk lingvistikk og franskspråkleg litteratur
• ha grunnleggjande kunnskap om sentrale problemstillingar, teoriar og metodar innanfor gjeldande fagområde
• ha djupnekunnskapar i det avgrensa fagområdet masteroppgåva inngår i

Dugleik:

• kunna uttrykkja på munnleg og skriftleg fransk faglege problemstillingar, analysar og konklusjonar innanfor eige fagområde
• kunna omsetja tekstar innan ulike sjangrar og vurdera kontrastive aspekt ved fransk og norsk
• kunna arbeida sjølvstendig og langsiktig med problemløysing på grunnlag av faglege kunnskapar
• kunna setja seg inn i og vurdera kritisk teoriar, metodar og tolkingar innanfor fagområdet
• kunna skaffa seg og nytta kunnskap på nye område innanfor faget

Generell kompetanse:

• kunna gjennomføra eit avgrensa forskings- eller utviklingsprosjekt under rettleiing og i tråd med gjeldande forskingsetiske normer
• sjølvstendig kunna halda fram med eiga kompetanseutvikling og spesialisering

Opptakskrav

Bachelor- eller Cand.mag.-grad med spesialisering (90 studiepoeng) i fransk, eller liknande utdanning. Om kandidaten har studert ved ein lærestad som har krav om minimum 80 studiepoeng med spesialisering/fordjuping, vil dette bli akseptert som opptaksgrunnlag.

Studentar som ønskjer å søkja opptak til masterprogram i fransk på anna grunnlag enn det som er oppgjeve å vera godkjend spesialisering i faget (sjå studieplanen for fransk), må søkja om godkjenning på førehand, seinast innan 15. mars. Slike søknader må innehalda karakterutskrift/vitnemål, pensumliste og utgreiing om dei emna søkjaren meiner skal koma i staden for ei ordinær spesialisering. Ei eventuell godkjenning må leggjast ved søknaden til masterprogrammet.

Tilrådde forkunnskapar

Masterstudiet i fransk byggjer på spesialisering i fransk frå bachelornivå innan ramma av ein cand.mag.- eller bachelorgrad.

Rekkefølgje for emne i studiet

Masterstudiet er organisert som eit heiltidsstudium som strekkjer seg over fire semester. Rekkefølgja for emna i programmet kan til dømes vera:

FRAN305 (haust)

FRAN303 eller FRAN304 (haust)

FRAN302 eller FRAN306 (vår)

FRAN303 eller FRAN304 (vår)

FRAN350 (haust og vår)

Hovudopptaket til studiet er i haustsemesteret, men det er òg mogleg å søkja opptak til vårsemesteret. Studentar som startar i vårsemesteret vil normalt ta FRAN302 i staden for FRAN305 i sitt første semester. Ut over dette vil ein normal progresjon vera lik den som går fram av tabellen over.

FRAN303 og/eller FRAN304 kan bytast ut med LITT300 Komparativ litteratur for framandspråk, tverrfaglege fakultetsseminar av tilsvarande type med tilhøyrande eksamen, eller, etter søknad, med andre høvelege emne ved Universitetet i Bergen eller ein annan utdanningsinstitusjon.

Krav til progresjon i studiet

Studenten skal byrja å planleggja oppgåva så tidleg som råd er, sjølv om hovudarbeidet med masteroppgåva (FRAN350) normalt utgjer det andre året i masterstudiet. Student og rettleiar teiknar rettleiingskontrakt seinast i byrjinga av andre semester.

Delstudium i utlandet

Studentane kan reisa på utveksling og ta emne tilsvarande FRAN303 og/eller FRAN304 i utlandet. Det er òg høve til å reisa på feltarbeid i samband med masteroppgåva.

Relevans for arbeidsliv

Ein mastergrad i fransk gjev god bakgrunn for undervisningsoppgåver på høgre nivå og for arbeid både i offentleg sektor og innan privat verksemd på felt der det internasjonaliserte samfunnet stiller store krav til språk- og kulturkunnskapar. Fransk masterstudium er òg utgangspunkt for forskarutdanning innan fransk lingvistikk og litteraturvitskap. Normert studietid for fransk masterstudium er fire semester.

Evaluering

Programmet blir evaluert i tråd med UiB sitt kvalitetssikringssystem.

Kontaktinformasjon

studierettleiar@if.uib.no