Njukčamánu 16. beaivvi 2003 deavdá Sámi Studeanttaid Searvi Romssas (SSSR) 20 jagi. SSSR lea daid jagiid čađa lokten sámi studeanttaid dili dáppe Romssas, ja ávvudeapmi mii lágiduvvo njukčamánu 12.-16. b. 2003 galgá juste dan oktavuođa čuvgehit.

20 jagi ávvudeami oktavuođas lágida SSSR sámi studeanttaid seminára njukčamánu 13.-15. b. Seminára lágiduvvo Auditorium Maximumas, Romssa universitehta Váldodálus. Geahča:

• Seminára bovdehusa
• Semináraprográmma

SSSR' 20 jagi ávvudandoaluid oktavuođas lea maiddái mearehis eahketprográmma! Duorastaga 13. bovdejit Romssa Sámenuorat bađaid šlivggodit Circa Sámi Clubas. Lohpidit guokte čeahpes sámi DJ ja ollu ávvudanhattiid. Bearjadaga 14. lágida SSSR Áŋgelit-konseartta studeantaviesus Drivas, ovdal go ávvudandoalut loahpahuvvojit lávvordaga 15. ávvudanmállásiiguin ja albma sámefeasttain! Čájáhus Golli giilá, silba šiilá - Sámi kitš čájehuvvo Arctic Galleryas ávvudandoaluid vuolde, njukčamánu 12.-16. b.Tromsø filmklubb čájeha ovttasbargguid SSSRain sotnabeaivi njuokčamánu 16. b. dii 20.00 4. gearddis Drivas Paul-Anders Simma filmma "Ságojoga ministár/Stol på ministeren" 1996:s. SSSR-miellahtut besset nuvttá sisa! Eanet dieđut:

• SSSR' preassadieđáhus
• Ávvudangihpa

Gulahallanolbmot:
Sigbjørn Skåden, jođiheaddji, Sámi Studeanttaid Searvi Romssas, telefuvdna (+47) 99 15 27 77, e-boasta: sigbjorn.skaden@same.net

Thomas Nygård, stivralahttu, Sámi Studeanttaid Searvi Romssas, telefuvdna (+47) 98 85 02 73, e-boasta: thomas.nygard@same.net