Mastergradsstudent: Georg Smedsland

Institutt for plante- og miljøvitenskap

Mastergradsoppgave – Kålfluenes flygeadferd

Veileder: Richard Meadow (Bioforsk plantehelse)

Georg Smedsland

Presentasjon av oppgåva:
Kålfluene, Delia radicum og Delia floralis, er dei mest alvorlege skadegjerarane i korsblomstra grønsakproduksjon i Noreg. Reguleringa av kålfluene har vore basert på bruk av ulike fosformidlar der samtlige nå er vorte ulovleg. Det er derfor stort behov for ny viten og nye miljøvennlege metodar for å effektivt kunne regulere kålfluene. I masterarbeidet undersøker eg kålfluenes flygadferd i samband med egglegginga. Registreringar er gjort med limfeller i forskjellig høgder. Målet er å finne ut om kålfluene flyr nær marka når dei søker vertsplanter for egglegging. Ein del av undersøkingane går også på korleis vegetasjon/topografi verkar inn på flygehøgda. Som ein naturleg del av desse undersøkingane prøver eg ut fysisk utestenging med gjerde som reguleringstrategi mot kålfluene.

Bilete av hovudfeltet på Smedsland.

Litt om meg sjølv:
Eg er 27 år og kjem frå Audnedal kommune i Vest Agder fylke. Der har eg vakse opp på garden Smedsland med mjølkeproduksjon og noko grønsaker. Eg har alltid vore interessert i planteproduksjon, så det var naturlig at eg gjekk vidaregåande på Lyngdal jordbruksskole. Etter jordbruksskulen dro eg til Hamar og høgskolen i Hedmark og tok ein bachelor grad i økologisk landbruk. Etter dette har eg jobba i Debio, sammt vore sivilarbeidar i Aust Agder/Agder forsøksring. Før eg byrja her på UMB tok eg eit årsstudie i KRL. Masterstudiet her på UMB starta eg opp hausten 2004. Her på UMB har eg tatt for det meste plantevern og planteproduksjonskurs.

Utanom studia er eg engasjert i norsk landbruk. Eg sitter mellom anna som styremedlem i ungdomsutvalet til Norsk bonde og småbrukarlag.

Teljing av kålfluer.

Limfellar i ulik høgd.

Oppdatert: 02.02.07
Utskriftsvennlig versjon : Arkiv : Tips en venn