Fysisk aktivitet

Vidareutdanning

Kroppsøving 1 30 stp.
Undervisning ved HVO. Heiltid. Oppstart hausten 2005. Lærarar på alle trinn.
Tekst i studiekatalogen>>

Kroppsøving 2 30 stp.
Undervisning ved HVO. Heiltid. Oppstart hausten 2005. Lærarar på alle trinn.
Tekst i studiekatalogen>>

Friluftsliv halvårsstudium 30 stp.
Undervisning ved HVO. Heiltid. Oppstart hausten 2005. Lærarar på alle trinn.
Tekst i studiekatalogen>>

Friluftsliv fordjupningsstudium 30 stp.
Undervisning ved HVO. Heiltid. Oppstart hausten 2005. Lærarar på alle trinn.
Tekst i studiekatalogen>>

Skiutdanning 30 stp.
Deltid med samlingar. Oppstart hausten 2005. Målgruppe lærarar på alle trinn. Tekst i studiekatalogen>>

Utefag 30 stp.
Undervisning ved HVO. Heiltid. Oppstart hausten 2005. Lærarar på alle trinn.
Tekst i studiekatalogen>>

 

Etterutdanning

”KOMPETANSELØFTET”
FYSISK AKTIVITET I KVARDAGEN

I heftet om ”Kompetanse for utvikling. Strategi for kompetanseutvikling i grunnopplæringa 2005 – 2008” frå Utdannings- og forskningsdept. er ”Fysisk aktivitet” med som eit satsingsområde.
Dette samsvarar med tankar og målsettingar i fleire offentlege meldingar som er komne dei siste åra. I St. meld. nr. 16 (2002 – 2003) frå Helsedept. heiter det mellom anna:  ”-- Vurdere tiltak som kan øke aktivitetsnivået og bedre kvaliteten på den fysiske aktiviteten i skolen og i skolefritidsorningen”. St. meld. nr. 30 (2003 – 04) Kultur for læring understrekar også fysisk aktivitet som eit prioritert område.
Dette samsvarar også med tankar og intensjonar ein finn elles i Europa. Mellom anna blir dette klart uttrykt gjennom utviklingsprosjektet om ”Human health and wellbeing” (COST Action E39).

I sum kan vi sjå at både norske styresmakter, og styresmakter i andre land etter kvart har ei klar forståing av at den daglege fysiske aktiviteten har gått vesentleg tilbake, og at dette har fått ein tydeleg og sterkt urovekkande innverknad på folkehelsa.

Slik vi les heftet om ”Kompetanse for utvikling” snakkar ein her ikkje om først og fremst om ei styrking av kroppsøvingsfaget, men om tiltak som meir generelt kan gje større aktivitet i kvardagen, i skulen, skulefritidsordninga og i barnehagen. Og som i vidare samanheng også kan motivere til auka fysisk aktivitet i fritida.

I  Handlingsplan for fysisk aktivitet 2005 – 2009 (Sammen for fysisk aktivitet) heiter det mellom anna: ”---Det er i hverdagen de store utfordringane ligger med hensyn til å øke aktivitetsnivået  i befolkningen. For barn og ungdom er det særlig på tre arenaer det kan legges rammer for fysisk aktivitet: barnehage, skole og skolefritidsordningar. -----
-- Dette medfører et offentlig ansvar for tilrettelegging av skoledagen/ barnehagedagen, egnede utearealer, krav til personalets kompetanse og involvering av elever, foreldre og nærmiljøet for øvrig. –”
Som et hovudmål har ein sett å ” -- Øke andelen barn og ungdom som er moderat fysisk aktive i minst 60 minutter hver dag. --”

I samband med ”Kompetanseløftet” har Avdeling for lærarutdanning/HVO sett Fysisk aktivitet som eit av dei områda ein vil prioritere, og kroppsøvingsseksjonen er utfordra til å stille opp i denne samanhengen.

Skal ein ta denne utfordringa på alvor, må ein tenkje nytt på fleire felt, og ein må knyte saman miljø med ulik kompetanse for å kunne påverke eit heilskapsbilete.

Ved kroppsøvingsseksjonen kan vi tenkje oss å gå inn i eit samarbeid med kommunar/skular for å drøfte og utvikle best mogelege vilkår for auka, helsebringande fysisk kvardagsaktivitet, der ein kan nærme seg dei mål som er sette i dei meldingane som er nemnt ovanfor.

Vi trur at ei slik utvikling mellom anna vil innebere:

  • Mindre – og større organisatoriske endringar
  • Motiveringstiltak
  • Fysiske tilretteleggingstiltak
  • Langsiktig planlegging av ute- / inneområder
  • Auka kompetanse om verknad av ulik fysisk aktivitet

Kontaktinformasjon:

Oddbjørn Nes
Kontoret for etter- og vidareutdanning
oddbjornn@hivolda.no
Telefon: 70 07 50 55

Aktuelle lenker: