I bachelorstudiet Idrett og friluftsliv vert det lagt vekt på å gi studentane gode naturopplevingar, lærerike utfordringar og spanande fysisk aktivitar i eit stimulerande fagleg og sosialt miljø. Som ramme kring opplæringa ligg den storslagne sunnmørsnaturen med hav, kyst, fjordar og steile tindar.
Studieprogrammet inneheld følgjande fagområde: naturkjennskap, friluftslivspedagogikk, natur- og friluftslivsfilosofi, natur- og friluftslivsforvaltning, praktisk friluftsliv i ulike naturmiljø, idrett, leik, dans, kroppsøvingsdidaktikk, utefag, og snø- og skiaktivitetar.
Bachelorstudiet gir fordjuping og spesialisering i friluftsliv og kroppsøving og har som mål å gjere kandidatane godt kvalifiserte for ulike typar arbeid i frivillig, organisert og uorganisert friluftsliv og idrett.
Gjennom studiet skal studenten tileigne seg kunnskap, haldningar og dugleik i friluftsliv og kroppsøving. Innhaldet er sikta mot utøving av rettleiing og fagleg verksemd både innan skuleverket, frivillige organisasjonar og ein omfattande fritidsarena. Det vert lagt vekt på å utvikle solid fagleg kompetanse innan praktisk friluftsliv og friluftslivsrettleiing, og det vert fokusert på å utvikle ein profesjonsorientert, didaktisk og sosial kompetanse for å kunne utøve faget praktisk og teoretisk.
I studieprogrammet finn ein følgjande emne:
- Emne FKR 111: Leik og sansemotorikk
- Emne FKR 112: Friluftsliv, symjing og livberging
- Emne FKR 113: Dans og salaktivitetar
- Emne FKR 114: Idrett og friluftsliv
- Emne FKR 105: Friluftsliv – skog, mark og kyst
- Emne FKR 106: Friluftsliv – vinter- og vårfjell
- Emne FKR 107: Utefag I
- Emne FKR 108: Utefag II
- Emne FKR 109: Skiutdanning
- Emne FKR 115: Ballspel
200 nivå:
- Emne FKR 201: Fordjupingsemne – skog, vatn og vassdrag
- Emne FKR 202: Fordjupingsemne – sjø og kyst
- Emne FKR 203: Fordjupingsemne – snø, ski, bre og høgfjell
- Emne FKR 204: Bacheloroppgåva
Emna på grunnivået kan kombinerast på ulike måtar for å få 60, 90 eller 120 stp innan kroppsøving/friluftsliv. Saman med fordjupningsnivået kan dette gi frå 90 stp til 180 stp i kroppsøving/friluftsliv.
Undervisning/arbeidsmåtar:
Undervisning og arbeidsmåtar er prega av praktisk aktivitet. Det vil bli lagt stor vekt på studentane si personlege utvikling både teoretisk og praktisk.
Vegen vidare - jobb og studium:
Studieprogrammet kvalifiserer studentane for arbeid i frivillig, organisert og uorganisert idrett/friluftsliv. Aktuelle arbeidsstader vil vere offentlege og private tiltak innanfor fritidssektoren, vaksenopplæring, reiseliv/turisme, kultur- og miljøforvaltning samt Forsvaret.
Dessutan vil studiet gi eit godt grunnlag for arbeid innan forebyggjande helsearbeid, arbeid med barn og unge med sosiale vanskar og rehabilitering. Val av emne og fordjuping i studiet avgjer kompetansenivået og gir føringar for yrkeskvali.seringa. For å få undervisningskompetanse i skuleverket må studentane velje to skulefag innanfor bachelorgraden (60 + 90 stp) og 1-årig praktisk-pedagogisk utdanning (PPU) som 4. studieår. Bachelorstudiet dannar grunnlag for vidare mastergradsstudium i friluftsliv
og kroppsøving. For å ta vidare 2-årig mastergradstudium i friluftsliv eller kroppsøving ved Norges Idrettshøgskule
eller Høgskulen i Telemark (Bø), må ein innanfor bachelorprogrammet
ha fullført 60 stp fordjuping, dvs. heile Friluftsliv årsstudium.
Det blir lagt til rette for at studentar kan gjennomføre delar av studiet ved utdanningsinstitusjonar i utlandet som HVO har samarbeidsavtalar med. Studentar ved fordjupningsstudiet i friluftsliv