Det store, lille klamydiatrollet i Volda

Kjønnssjukdomen klamydia florerar blant studentane i Volda. Aldersgruppa 20 – 25 år er mest utsett, både i Volda og på landsbasis.

Mari Heltne er utdanna jordmor og jobbar ein dag i veka på helsestasjonen ved Høgskulen i Volda. Ho har nokre forklaringar på kvifor denne aldersgruppa er mest utsett.
- Som tjueåringar står ein gjerne overfor ei ny fase i livet. Dei skal flytte heimafrå og etablere seg. Mange lever då eit utsvevande liv med mykje alkohol og sex, fortel Heltne.

Farlig smitte
I 2006 testa 108 studentar i Volda seg for klamydia ved helsestasjonen, der 18 av dei var smitta. I 2007 var det 77 som testa seg og 18 var smitta. Dette kan tyde på ein auke i talet på klamydiatilfelle blant studentar. Problemet er at den smitta gjerne ikkje veit det sjølv.

Jordmor og helsesøster Mari Heltne.

Gratis kondomar og student-helsestasjon Helsestasjonen for studentane har eit tilbod der studentar kan teste seg for klamydia og eventuelt få behandling gratis. Andre tilbod er graviditetstest, hjelp til reseptar eller kanskje berre ein samtale. Her er ikkje timebestilling. Sikker sex Sikker sex er einaste måten å unngå kjønnssjukdomar på, og kondom er det beste prevensjonsmiddelet. Gratis kondomar ligg i ei skål utanfor kontoret til helsesøster i Lettbygget. Her er det berre for studentane å forsyne seg.

- Eg har nettopp bestilt 4000 kondomar som eg håpar skal halde ut året. Til no i år har eg fylt opp skåla utanfor kontoret to-tre gongar, fortel Heltne.

Symptom
Klamydia gjev lite symptom, og dei fleste kjenner ikkje noko i det heile. Har ein mistankar om at ein er smitta, må ein gå til helsestasjonen eller til doktor snarast råd. Dramatiske konsekvensar utan behandling er sterilitet.

Typiske symptom for menn er:
- svie og smerter ved vannlating
- utflod frå urinrøret
- smerter i pungen
- svie og utflod frå endetarmsopninga

Typiske symptom for kvinner er:
- svie og smerter ved vannlating
- unormale blødningar og utflod
- smerter i underlivet
- svie og utflod frå endetarmsopning

Meir informasjon
”Klamydia er deilig å få men ikkje noko å spare på”, (brosjyre frå helse- og sosialdirektoratet).
http://www.unghelse.no/
http://www.klara-klok.no/
http://www.seksuellopplysning.no/

                                                                                                                    Av Janita Mo