Sosialistisk Venstreparti

Sosialistisk Venstreparti (SV) er eit politisk parti stifta 16. mars 1975. SVs politiske plattform byggjer på følgjande: Sosialisme Jamnare fordeling av ressursar Miljøvern og klimatiltak Utmelding av NATO, EU-motstand Solidaritet med fattige i verda Auka offentleg styring i økonomien           Partileiar er Kristin Halvorsen, nestleiar er Audun Bjørllo Lysbakken og Bård Vegar Solhjell. Ungdomsorganisasjonen til partiet heiter Sosialistisk Ungdom (SU). Ved Stortingsvalet i 2005 fekk partiet 8,8% av stemmene og 15 mandatar på Stortinget. Til tross for den markante tilbakegangen, utgjorde den raudgrøne koalisjonen Arbeidarpartiet, Senterpartiet og Sosialistisk Venstreparti ei ny fleirtalsblokk i Stortinget. Dette resulterte i ei ny regjering leia av Arbeidarpartiets Jens Stoltenberg, med Kristin Halvorsen som finansminister, og ytterlegare fire SV-statsråd.

Partileiar for SV, Kristin Halvorsen. Foto: www.regjeringen.no

SV-politikk
Det raude og det grøne er berebjelken i SVs politikk. Det raude betyr at dei vil ha eit samfunn utan store forskjellar mellom folk. Det grøne betyr at dei arbeidar for eit økologisk berekraftig samfunn.

SV førar ein venstreorientert sosialistisk politikk, med fokus på utjamning av forskjellar i samfunnet. For å oppnå dette ønskjer SV sterkare offentleg styring av økonomien. Partiet blei danna med utgangspunkt i opposisjon i utanrikspolitikken, ikkje minst mot NATO-medlemskap og EF-medlemskap. SV har òg eit sterkt fokus på miljøvern og berekraftig utvikling.

Andre øvrige hovudfokus er kamp mot fattigdom globalt og nasjonalt, meir ressursar til skule og kultur, styrking av kollektivtransporten, full barnehagedekning i alle kommunar, eit godt helsetilbod til alle, stoppe menns vold mot kvinner og barn og kjempar mot diskriminering på grunnlag av kjønn, etnisk bakgrunn eller seksuell legning.

Verden til venstre
Verden til venstre (Vtilv) er SVs initiativ til ein debatt om kva slags venstreside vi treng i åra som kjem, og kva slags visjonar og løysingar den skal kjempe for. SVs landsstyre har vedtatt eit diskusjonsgrunnlag som dannar eit utgangspunkt for debatten. Les meir om Verden til venstre på http://www.vtilv.no/.

Kritikk av SV
Partiet har særleg blitt kritisert for utanrikspolitikken dei fører. Til eksempel har partiets kritikk av USA ofte møtt motstand frå dei andre partia. I 2001 rykte stortingsrepresentant Olav Gunnar Ballo ut i media og kalte USA ein ”terrornasjon”, og omtalte landet som ”disse satans mordere”, som for øvrig er eit opphavleg sitat av Olof Palme om Franco-regimet.

Det har òg blitt retta kritikk og påstandar mot SV på grunn av det nokon meinar er støtte til terrororganisasjonar. I 2002 blei det oppstyr då SV lenkja til nettsidene til Hizbollah frå sin webportal ”Det røde surfebrettet”.

Miljørørsla har kritisert SV for å gå vekk frå løfta om reinsing frå dag ein i forbindelse med oppføring av norske gasskraftverk. I tillegg kritiserer mange miljøvernsorganisasjonar partiet for å kome med mange lovande løfter som ikkje blir satt ut i verkelegheita.

Malin Aambakk Boska