I går fekk høgskulen ein ny medarbeidar. Solveig M. Sunde har tatt steget frå aksjemeklar i Sparebanken Møre til førstekonsulent ved økonomiavdelinga.
Publisert av Tone Sørensen
Den tidligare aksjemeklaren har ein mastergrad innan finans og intern business frå Århus i Danmark. Etter nokre år i Ålesund som aksjemeklar, følte ho at tida var komen for å flytte heim til Volda.
- Eg vart mor til ei lita jente for eit og eit halvt år sidan, og då føltest det naturleg å flytte heim til Volda, seier konsulenten, som er aleineforsørgjar.
- Det er meir praktisk å bu i Volda, i forhold til barnepass og arbeid.
Nye arbeidsoppgåver
27-åringen starta i den nye stillinga 1. april, og gleder seg til å kome i gang med nye arbeidsoppgåver
- Det blir spennande å lære seg nye system, eg trur det kan vere nyttig med ein allsidig bakgrunn i eit yrke som mitt, seier ho.