Avdeling for samfunnsfag

Institutt for barnevern, sosialt arbeid og vernepleie

Ved instituttet vårt utdannar vi hovudsakleg studentar til arbeid innan sosialfaglege yrke, og forskar på det same feltet. Som student hos oss skal du først og fremst bli rusta til å møte og ta vare på menneske i vanskelege livssituasjonar. Som barnevernspedagog, sosionom eller vernepleiar er det viktig å vite om korleis møte brukarane av tenestene på beste vis, korleis forstå og navigere i dei omfattande sosialpolitiske reformene som har vore og korleis handsame krevjande saker på forsvarleg måte.

Instituttleiar: Unni Margrethe Uren Aasen

Telefon: 57 67 62 36

Besøksadresse: Fossbygget, Fossvegen 6, Sogndal

 

Institutt for samfunnsvitskap

Instituttet samlar fagdisiplinane historie, sosiologi og administrasjons- og organisasjonsvitskap. Med basis i desse faga blir det forska på til dømes regionar og lokalsamfunn, profesjonar, utdanning, ungdom, språk og kultur, og styrings- og leiingsformer i offentleg sektor. To av satsingsområda for FoU ved høgskulen, ”Organisasjon og leiing” og ”Profesjonsforsking”, er leia av tilsette ved instituttet. Historikarane har eit historiefagleg seminar knytt til forskingsaktiviteten sin.

Instituttleiar: Grete Netteland

Telefon: 57 67 63 32

Besøksadresse: Fossbygget, Fossvegen 6, Sogndal

 

Institutt for økonomi og administrasjon

Ved Institutt for økonomi og administrasjon kan du kvalifisere deg til eigedomsmeklar, leiarstillingar innan reiselivet, fagperson eller rådgivar innan marknadsføring, personaladministrasjon, rekneskaps- og budsjettarbeid, økonomiske analyser og finans. Tek du årsstudiet i jus får du grunnleggjande juridisk kompetanse som er nyttig i mange sakshandsamar- og økonomiske og administrastive stillingar.

Kandidatar hos oss blir rekrutterte til privat næringsliv, offentlege institusjonar og ideelle institusjonar.

Instituttleiar: Leif Longvanes

Telefon: 57 67 63 24

Besøksadresse: Fossbygget, Fossvegen 6, Sogndal